Zenezi 45:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã apito nhimiromhurizé 'ri 'rãihâ u, Zuzéhé sisãnawã norĩ isihutuzé wasu'u wisi wamhã, ma tô apito Fara'oho norĩ, ite dama roti'wa norĩ me ãma sima romhu'u za'ra.

Zenezi 45:16 ပူးပေါင်းရင်းမြစ်များ

Zenezi 16:6

Tawamhã Abrã, ma te ãma tãma wa'rã ãne: — Wẽ di tô, marĩ õ di. Aga, aima romhuri'wa te asimi'madâ'â na 're hâimana. Tahawa asima iwẽzéb uwaibaba, te za niha marĩ tãma i'manha. Tawamhã Sara'i nasi te te wada'uri pese wa, duré nasi timreme nhiti'ru na te te tãma nharĩ wa, ma tô oto a'ubuni u tiwi aimani.

Zenezi 20:15

Taha pari, te duré tãma tinha ãne: — Abra'ã, ãhãta te ĩnhipti'a hã asõ'remhã tihâiba. Ma'ãpé asima iwẽzéb uwaibaba, nimame iwa 're aihâimana mono da, asima ro hã 'maipisutu.

Zenezi 34:18

Tawamhã Hamo, ti'ra Siquẽhẽ me ma tô Zacoho 'ra norĩ, tinhimirosa'rada te te tãma ipibu za'ra zém na hã oto ãma saze za'ra.

Zenezi 41:33

Tawamhã Zuzé, ma te duré ãma uzusi, ãne timreme na tãma: — Tahawa aré iwẽ, apito, aibâ i'rã nhimiza'rese wẽ isimirowaihu'u pe ipisutu da hã, ti'ai wa'õtõ nho'u Ezitu 're, te te 're irob'madâ'â mono da hã.

Zenezi 41:37

Tawamhã Zuzéhé nhimirowa'õtõ 'manharĩzé, ma tô apito hã wẽsã. Tãma iromhuri'wa norĩ zama ma tô duré siwi wẽsã.

Zenezi 45:15

Tawamhã Zuzé zahadu siwa'õi ré, te nasi tinho'utumhã tisisãnawã norĩ hã awaibu wawa sina. Te duré nasi hâiba mono bâ tob'rata hârâ na azawi. Taha pari ma tô oto idub'rata norĩ hã tino norĩ me sima robzanhamri za'ra.

Zenezi 45:17

Tahawa te apito, Zuzéhé ma tinha ãne: — Ma'ãpé asisãnawã norĩ ma waihu'u za'ra na, tinhimarĩ hã tinhimizama ba nhisiwimhã te te sima wasisi mono da, Cana'ã u apâ iré si'aba'ré da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:5

Tawamhã isimiroti za'ra hã aihĩni ma tô saze za'ra, isazei'wa norĩ hã. Tahawa, ma tô aibâ norĩ zô rob'madâ'â za'ra. Tawamhã ma tô sãmri za'ra, Estewã hã. Ta hã, 'Re ihâimana u'âsi mono ãma te te isasõmri. Ipẽ'ẽzani na si te 're hâimana. Tawamhã ma tô duré sãmri za'ra Filipi hã, duré Procoru hã, duré Nicano hã, duré Timo hã, duré Pamenasi hã, duré Nicola hã. Ãtioquia ãma 're isãmra mono, Nicola hã. Zudeu'õ aré, ma tô sizudeu, 'Re ihâimana u'âsi mono ãma oto dame 're wata mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:13

Taha pari, mrab zô hã ma tô duré tisi'aba'ré na sô sahu za'ra Ezitu u hã. Taha wamhã, Zuzé hã ma tô oto tãma siwasu'u za'ra, tidub'rata norĩ ma. Tawamhã apito Fara'o hã ma tô wapa, Zuzéhé sisãnawã norĩ wasu'u hã. Tahawa, ma tô oto waihu'u za'ra, isisãnawã za'ra na hã.