Zenezi 45:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Zuzé, tinhosi Bẽzami tinho'utu ma tô ti'â. Te te âri wamhã, ma tô ãma aiwa'õ. Duré Bẽzami hã tidub'rada asa tinho'utu te te âri sina, ma tô ãma aiwa'õ.

Zenezi 45:14 ပူးပေါင်းရင်းမြစ်များ

Zenezi 29:11

Taha pari, ma tô duré Raqueu hã oto tob'rata hârâ na sawi. Tawamhã wawa 'rãihâ na te duré ãma aiwa'õ.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Zenezi 42:24

Tawamhã Zuzé ãne na imreme te te wapari za'ra wa, ma tô oto ihawib za'ra hã watobro. Tahawa, ma tô aiwa'õ. Siwa'õi pari, duré apâ itẽme wisi za'ra wamhã, ma tô tidub'rata norĩ nho'a Simiã, da te dasiwi pawasisi da hã dama ti'ru.

Zenezi 43:30

Tawamhã tino te te 'madâ'â wa, pẽ'ẽ toi uptabi di, Zuzé hã. Tahawa wara sina ma tô watobro, tiza'warizéb u sébré da, tamep si a'â siwa'õ da. Tame te oto tô tawamhã aiwa'õ.

Zenezi 45:15

Tawamhã Zuzé zahadu siwa'õi ré, te nasi tinho'utumhã tisisãnawã norĩ hã awaibu wawa sina. Te duré nasi hâiba mono bâ tob'rata hârâ na azawi. Taha pari ma tô oto idub'rata norĩ hã tino norĩ me sima robzanhamri za'ra.

Zenezi 45:2

Tawamhã wawa 'rãihâ na ma tô aiwa'õ. Duré ezipsiu norĩ hã ma tô wawai wapari za'ra. Tawamhã apito nhimiromhurizé 'ri u hã ma tô rowasu'u wẽ hã wi.

Zenezi 46:29

Tawamhã Zuzéhé ma, awaru na wedewara zapore, da te tãma awasisi parimhã, ma tô oto Gosẽ u hã wara, timama te te sõpẽtẽ da. Ãhã wa, timama titõmo na te te oto 'madâ'â wamhã, ma tô sa'ẽtẽ itẽme wara, te te sawi da. Tahawa, tinho'utu te te âri sina, ma tô ãma aiwa'õi hâ.

Luca 15:20

— Tawamhã aré 're isãmra mono zém hawi te oto mo, timama nhorõwa u. Taha wamhã, zahadu romhâ ré, ma imama hã tisã ti'ra hã. Tahawa, te imama hã itẽme wara, i'ra hã te te sina pẽ'ẽ tari wa. Itẽme wisi wamhã, tinho'utu ma tô ti'â, ti'ra hã. Tob'rata hârâ na, ma duré sawi.

Roma 1:31

Marĩ iwasété zô si, te ta norĩ hã sima 're sõpré. Simiroti na saprĩ ahâ na te 're hâimana za'ra. Da'ãma 're pẽ'ẽzé za'ra mono õ di. Duré da'ãma 're siwamri za'ra mono õ di.