Zenezi 45:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zuzé, ma timreme na ãne ãma tãma uzusi za'ra: — Uburé a norĩ wa'aba ma, duré ĩnhosi Bẽzamihĩ ma, aima waihu'u pese za'ra wa'aba di oto, atõmo na asiwi ĩhâiba pibu za'ra wa'aba zéb zarina, wa hã tô Zuzé te aima inharĩ za'ra wa'aba na hã.

Zenezi 45:12 ပူးပေါင်းရင်းမြစ်များ

Zenezi 42:23

Tawamhã Zuzé te te sina isadaihu'u za'ra zém na, õ norĩ hã te te siwi waihu'u õ di, õ norĩ mreme hã nasi da te ãma tãma saprĩ wa, te te sadaihu'u za'ra õ newa.

Zenezi 45:11

Zahadu 5 na te za duré da'ãma tiwahu, mrab ãna dahâimana za'ra ré hã. Tawamhã Gosẽ ãma wa za mra hã aima, ai'ra norĩ ma hã, duré asimizama norĩ ma hã te 're sõmri za'ra za. Ãne wamhã, marĩ zô aiwi irowaptâ'â za'ra wa'aba da hã mare di za.”

Zenezi 45:13

Ma'ãpé ĩmama ma hã tãma ĩwasu'u za'ra wa'aba, Ezitu 're dama ĩpire na 're ĩhâimana mono zém na hã. Duré ma'ãpé uburé marĩ atõmo na i'madâ'â za'ra wa'wa hã tãma wasu'u za'ra wa'aba. Tahawa, ma'ãpé waptu na ai'aba'réi wa'aba, ĩmama hã we ãwa asiwi saprõni aba hâ.

Luca 24:39

Ĩnhib'rada, 'madâ'â za'ra wa'aba. Duré ĩpara hã 'madâ'â za'ra wa'aba. Ma'ãpé oto ĩzaze za'ra wa'aba. Wa hã tô, Zezusi. Dahâiba warõ hã nhi õ di, duré hi õ di. Wa hã ĩnhi ré hã, duré ĩhi ré hã. Ma'ãpé asib'rata na ĩ'upi za'ra wa'aba, tô sena na ĩzaze za'ra wa'aba da.

Zuwã 20:27

Tawamhã Zezusi te Tomehẽ ma tinha, ãne: — We ĩtẽme aimorĩ, ĩnhib'rada 'madâ'â da. Ĩnhib'rata zapu'uzéb 're, asipto hã sẽrẽ. Duré ĩ'a're wi ĩwa'rézéb 're, asib'rada hã sẽrẽ. Ĩhâiwa'utuzém na ĩwasu'u na, ĩwawã tõ. Te za oto ĩzaze, ĩhâiwa'utuzém na hã.