Zenezi 44:9 - ꞌRe Ihâimana Uꞌâsi Mono Zadawa Wasuꞌu

⁹ Ni'wa te 're, hâsizé sõpẽtẽ wamhã, te za wĩrĩ ni za. Tawamhã wa norĩ hã wapawa'âbâ ãna aima romhuri za'ra wa'aba 'wa na wa za 're wahâimana za'ra.

Zenezi 44:9 ပူးပေါင်းရင်းမြစ်များ

Zenezi 31:32

Ate romhâibarĩ norĩ, ni'wai ãma sãmri za'ra wamhã, te za ta hã wĩrĩ ni za. Wasiré norĩ nho'a, siwa'ru danhimarĩ ãma marĩ ate 'masãmri wamhã, te za i'â za, apâ. Tane nherẽ, Zaco, Raqueu romhâibarĩ norĩ te te isimi'uri za'ra na hã te te waihu'u õ di.

Zenezi 43:18

Tawamhã isõrõwa u oto sihutu wamhã, ma tô tipahi pese za'ra. Tahawa te ãne sima nharĩ za'ra: — Ãwamhã ma tô we te te wanhimro, iwana wamhã, rob'uiprazé wate za'ra sa'ui 're apâ te te wama iséme mono u'âbâmhã, amnho zu. Sena na te za tô oto dasiwi wasusi za'ra ni. Te za duré wate awaru po're pore norĩ hã wawi waibu za'ra ni. Te za duré dasiwi wawaibu ni, wapawa'âbâ ãna wa te dama 're romhuri za'ra mono da hã.

Zenezi 44:10

Tawamhã 'ri 'madâ'â'wa asa ma te ãma tãma wa'rãmi za'ra ãne: — Tane tô. Wa ãma asaze za'ra wa'wa. Tane nherẽ, ni'wa te 're, te isãmri si te za ĩma romhuri'wa na 're hâimana. Tawamhã isiré norĩ a norĩ wa'wa hã te za asima iwẽ na apâ ai'aba'réi wa'wa za.

Zenezi 44:16

Tawamhã Zuda ma te ãma sada'â: — Apito, e niha wa za marĩ na aima wasiwasu'u za'ra ni. E niha na wa za duré marĩ na wasiwi asada'âbâ ni. E niha wa za wawasété za'ra ne wahâimanazé hã wasima hiri wẽ za'ra ni. Waihu'u õ di. 'Re ihâimana u'âsi mono, ma tô wawasédé wa te ĩ'manharĩ za'ra zém na wawi a'upsibi me. Ãhãta wa ãme wa norĩ hã uburé wahâimana za'ra ni. Tahawa wa za aihĩni wa norĩ hã hâsizé ite sa'ui 're inomro me, wapawa'âbâ ãna wa te aima 're romhuri za'ra taré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:11

Marĩ iwasédé hã te 'manharĩ 'wa'âhã, da te dasiwi ĩwĩrĩ da hã, aré ĩsisawi õ di. Tane nherẽ, ĩwasédé hã te te siwi ĩ'ãma isa'ra hã tô senai õ wamhã, ni'wa hã te te tãma ĩza'réi waihu'u za'ra õ di. Tahawa, Roma u si te za ĩzatõ, apito Sézaha nho're ĩzab da, taha ma si ĩsiwasu'u da, tame.