Zenezi 44:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã 'ri nho'õmo hawimhã ma tô oto wairé. Tane nherẽ, zahadu sina pahâ za'ra õ ré, te Zuzé tinhorõwa 'madâ'â'wai ma tinha ãne: — Mo oto aibâ norĩ zarina sa'ẽtẽ aimorĩ za'ra na. Tawamhã 'râwi sasimri za'ra wamhã, te za ãne tãma inharĩ za'ra za: “E marĩ da, ma aiwétési iwẽ wa'rãmi iwasété na si asiwi iwa'âbâ 'wa.

Zenezi 44:4 ပူးပေါင်းရင်းမြစ်များ

Zenezi 44:13

Tahawa ma tô isisãnawã norĩ ti'uza 'râwi siwi hâiwazu za'ra, tiwi robzei'õ za'ra wa. Taha pari ma tô marĩ te te i'wasari hã awaru po're pore ba nhisiwi apâ sima sa'ra za'ra, 'ri nho'õmo u tino siré te te apâ sina siri za'ra da.

Zenezi 44:3

Tawamhã tite za'ra awaru po're pore ré ma tô Zuzéhé sisãnawã norĩ mararé uptabi wairé, si'aba'ré da oto.

Provébiu 17:13

Ni'wa, marĩ iwẽ da te tãma 're 'manharĩ mono nherẽ, aiwétési iwasédé te te dama 're ab'manharĩ mono wamhã, rowasédé hã isõrõwa hawimhã tãma isi'ré da hã mare di za.

Zuwã 10:32

Tahawa, te Zezusi hã duré tãma nharĩ za'ra, ãne: — Wa hã Ĩmama te te ĩma ipisutuzéb zarina, wa tô marĩ dama i'manharĩ waihu'u'õ na te 're da'apawaptob u'âsi. E nima hã ĩnhimipawaptobzé aima wẽ za'ra wa'aba õ wa, te za asiwi ĩwĩrĩ 'wa, ẽtẽ na. Ma'ãpé, ĩma wasu'u za'ra wa'aba.

1 Samuéu 24:17

Tawamhã te duré tãma tinha ãne, Dawihi ma: — A hã i'uwaibaba na si te aihâimana mo. Ĩwétési wa tô ĩwasété na hã ĩhâimana. A hã ma tô iwẽ na si ĩma aihâimana mo, wa hã ĩwasédé te aima 'manharĩ mono ré hã.