Zenezi 43:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã 'ri 'madâ'â'wa asa ma te ãne ãma sada'âbâ za'ra: — Asima iwẽ na aihâimana za'ra wa'aba, aipahi za'ra wa'aba ãna. Ãté 'Re ihâimana u'âsi mono, ate za'ra wa'wa hã, duré aimama te wa'wa hã ma tô rob'uiprazé apâ hã aima séme za'ra wa'wa. E marĩ wa. Wa hã wa tô irowa'âbâ za'ra wa'aba zé rob'uiprazé hã ti'â tô. Tawamhã 'ri 'madâ'â'wa ma tô Simiã itẽmeb za'ra hã oto saprõ.

Zenezi 43:23 ပူးပေါင်းရင်းမြစ်များ

Zenezi 42:24

Tawamhã Zuzé ãne na imreme te te wapari za'ra wa, ma tô oto ihawib za'ra hã watobro. Tahawa, ma tô aiwa'õ. Siwa'õi pari, duré apâ itẽme wisi za'ra wamhã, ma tô tidub'rata norĩ nho'a Simiã, da te dasiwi pawasisi da hã dama ti'ru.

Zenezi 42:28

Tawamhã tisisãnawã norĩ ma, ma tô tãma 'mahârâ za'ra ãne: — Ĩte rob'uiprazé apâ ma tô ĩma sẽrẽ ni. Ãhãta te nomro, ĩte sa'ui 'remhã. Tawamhã uburé si'rãmi za'ra wa, ma tô duré tirẽrẽ'ẽ za'ra, pahi te. Tahawa te ãne sima nharĩ za'ra: — E niha ma tô 'Re ihâimana u'âsi mono hã ãne na wama rob'manharĩ za'ra.

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Zenezi 43:22

Taha nhipai u hã wa tô duré we ãma wasihâiba waptob za'ra ni, rob'uiprazém na, mra wa te duré ãma i'uipra za'ra da hã. Wa norĩ hã wa te waihu'u za'ra õ di, ni'wa rob'uiprazé apâ te te duré wama iséme za'ra na hã.

Esdra 4:17

Tawamhã apito Artazesi, ma te ãne asa romnhihâtâ na sada'âbâ za'ra: “Reum dama i'rãnho'u, duré Sĩsa'ĩ dama romnhihâtâ 'manharĩ'wa, duré asiré Samaria ãma 're ihâimana za'ra mono norĩ, duré Eufrati bâtâ zasizém niwĩ daza'rui wa'õtõ ãma 're ihâimana za'ra mono norĩ me, simisutu wa ãma asawi za'ra wa'wa.

Luca 10:5

Duré, danhorõwa u 're aihutu aba mono wamhã, te za a'â 're idazawi za'ra wa'aba mo, rowẽ na 're dahâimana za'ra mono da.

Luca 24:36

Tawamhã isazei'wa norĩ ma, te te rowasu'u zahuré ré, ma tô Zezusi hã iwa'wa tizab za'ra. Ãne te tãma nharĩ za'ra: — Rowẽ na 're aihâimana za'ra wa'aba mono.

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

Zuwã 20:19

Tawamhã tô taha bâtâ na dumigu na bâdâ sébré wi, ma tô si'rã'õtõ, Zezusihi siré 're inomro mono norĩ si. Dama ipire norĩ pipa te, ma tô siré 'rinhitop tete za'ra. Tame si'rã'õtõ ré, ma tô Zezusi hã tãma sihâi'ré za'ra. Taha wamhã, te iwa'wab za'ra za. Tawamhã te ãne tãma nharĩ za'ra: — Rowẽ na 're aihâimana za'ra wa'aba mono.

Zuwã 20:21

Tawamhã Zezusi te duré tãma nharĩ za'ra: — Rowẽ na 're aihâimana za'ra wa'aba mono. Ĩmama we te te datẽme ĩzatõrĩ ne, wa za duré datẽme asatõrĩ za'ra wa'wa isine.

Zuwã 20:26

Tawamhã romhuri misi ãma si'utõrĩ za'ra pari, ma tô duré Zezusihi siré 're inomro mono norĩ hã si'rã'õtõ, tô dumigu na. Tome hã te oto ime tinhamra za'ra. Tawamhã 'ri nhitop tete nherẽ, ma tô duré wei itẽme tizébré za'ra, Zezusi hã. Iwa'wab za'ra, te duré ãhã wamhã za. Ãne te tawamhã duré sawi za'ra: — Rowẽ na 're aihâimana za'ra wa'aba mono.

Zuize 19:20

Tawamhã te ihi tãma tinha ãne: — We ĩsiré ai'aba'réi aba. Wa za aiwaibui wẽ wa'wa wa hã, ĩnhorõwa u. Wa za duré ai'ãma ĩsi'madâ'â za'ra wa'wa. Tahawa ma'ãpé ĩzawi na hã ai'ãma awẽ za'ra wa'aba tõ, 're idasisõpẽtẽ pese za'ra mono zéb ãma hã.

Zuize 6:23

Tane nherẽ, Uburé Danhib'apito, ma te ãne duré ãma tãma wa'rã: — Aipahi tõ. Aima rowẽ di za. Duré atâ'â õ di za.

1 Samuéu 25:6

Taha pari, te za oto tãma irowasu'u za'ra wa'wa ãne: Ĩsiwaihu, Dawi hã te we asawi. Rowẽ na 're aihâimana mono da si, te we aima tinha, ai'ra norĩ zama duré uburé aima 're ihâimana za'ra mono norĩ zama.