Zenezi 43:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã isõrõwa u oto sihutu wamhã, ma tô tipahi pese za'ra. Tahawa te ãne sima nharĩ za'ra: — Ãwamhã ma tô we te te wanhimro, iwana wamhã, rob'uiprazé wate za'ra sa'ui 're apâ te te wama iséme mono u'âbâmhã, amnho zu. Sena na te za tô oto dasiwi wasusi za'ra ni. Te za duré wate awaru po're pore norĩ hã wawi waibu za'ra ni. Te za duré dasiwi wawaibu ni, wapawa'âbâ ãna wa te dama 're romhuri za'ra mono da hã.

Zenezi 43:18 ပူးပေါင်းရင်းမြစ်များ

Zenezi 42:21

Tahawa te ãne sima nharĩ za'ra: — Sena na wa oto robzépata za'ra ni, wanoi ma, wa te tãma irob'manharĩ za'ra zarina. Ta hã te te robzépata wa, wapo're na'rata te te sina wawi rowaptẽrẽ za'ra nherẽ, wa te wasiwi wapari õ di. Tahawa awa'awi na wa oto robzépata za'ra ni.

Zenezi 42:27

Tawamhã isimi'warazéb da, isimizahâri za'ra zéb u oto sihutu wamhã, ma tô nima hã tite sa'u hã wata wasihu, tinhimizama ma, te te tãma a da, ĩsa hã. Tahawa, sa'ui wata ãma rob'uiprazé amnho zu inomro hã ma tô tisã.

Zenezi 42:28

Tawamhã tisisãnawã norĩ ma, ma tô tãma 'mahârâ za'ra ãne: — Ĩte rob'uiprazé apâ ma tô ĩma sẽrẽ ni. Ãhãta te nomro, ĩte sa'ui 'remhã. Tawamhã uburé si'rãmi za'ra wa, ma tô duré tirẽrẽ'ẽ za'ra, pahi te. Tahawa te ãne sima nharĩ za'ra: — E niha ma tô 'Re ihâimana u'âsi mono hã ãne na wama rob'manharĩ za'ra.

Zenezi 42:35

Tawamhã tite mono bâ sa'u amnho ré te te oto baba za'ra wamhã, ma tô rob'uiprazéb ré sa'u dub 'rare hã iwa isimi'wara mono hã sãmri za'ra. Ãhã wa, timama norĩ me rob'uiprazé te te 'madâ'â za'ra wamhã, ma tô tãma tipẽ'ẽwara pese za'ra.

Zenezi 43:17

Tawamhã te te tãma iwaihu'uzé hã ma tô 'manha. Tahawa isadawa zarina ma tô isisãnawã norĩ, Zuzéhé nhorõwa u te te simro.

Zenezi 43:19

Tawamhã isõrõwa 'ridawa u oto sihutu wamhã, 'ri 'madâ'â'wai ma, te tãma nharĩ za'ra ãne:

Zenezi 44:8

Ti'ai wa'õtõ nho'u Cana'ã hawi, we apâ wasi'aba'ré na sahu wamhã, wa tô rob'uiprazé wate za'ra sa'ui mono bâ, wa te isõpẽtẽ za'ra hã we apâ ãma siri za'ra ni. E marĩ da, wa aré bété asib'apito te, ẽtẽ waipo prã prata 'manharĩ hã niha wamhã, ẽtẽ waipo pré oru 'manharĩ hã wasiwi simi'uri ni. Waihu'u õ di.

Salmu 53:5

Tahawa, te za ta norĩ pahi te tirẽrẽ'ẽ za'ra, niwa ãne na pahi uptabi za'ra wa, irẽrẽ'ẽ za'ra õ na. E marĩ wa, 'Re ihâimana u'âsi mono te za tinhitob'ru norĩ hi na hã te te ãma ropé. 'Re ihâimana u'âsi mono hã ma tô siwi wẽ'õ za'ra. Taha wa, Izaraéu nhihudu norĩ hã te za uburé pese ãma ai'uté za'ra.

Daniéu 6:4

Tahawa, isiré dama ipire norĩ, duré dama i'rãnho'õmo norĩ, ma tô Daniéu hã te te siwi 're pibu, niha isimi'madâ'âzéb 'remhã marĩ hã te te ãma siwi sãmri wasété wa, iwasédé te te ãma siwi hiri da. Tane nherẽ, marĩ hã te te ãma siwi sãmri õ di, sena na duré i'uwaibaba na si 're hâimana mono wa. Tahawa, ni'wa hã te te marĩ i'manharĩ wasété na duré te te ãma i'upa na te te ãma wasété waihu'u õ di.

Marcu 6:16

Tawamhã apito Erodi, ma tô Zezusihi wasu'u na hã danhimirowasu'u hã wapa. Tawamhã ãne te tinha: — Tô õ hã, Zuwã Batista. Te 'rui wa, da te butu nhizâri nherẽ, apâ ihâiwa'udu te 're mo.

Roma 7:8

Ãhã wasu'u na te oto waihu'u wamhã, marĩ hã te dawi 're i'ruiwapari mono zéb da si, wa tô te ĩsima 're rosa'rata u'âsi, 're ĩhâimana wasété mono zéb zarina. 'Re ihâimana u'âsi mono nhimiroti 'rata na rob'ui'éré hã dama waihu'u za'ra õ wa, dawasété na 're dasisãmri waihu'u za'ra mono õ di. Wa hã bété. 'Re ihâimana u'âsi mono nhimiroti 'rata wasu'uzéb zarina si, wa tô ĩsiwaihu'u, ĩwasété na hã.

Zuize 13:22

Tahawa Manoa te timro ma tinha ãne: — Wa za tô wadâ'â ni. E marĩ wa. 'Re ihâimana u'âsi mono hã wa te 'madâ'â wa, watõmo na.

Zuize 14:4

Tawamhã imama norĩ, ina me hã te te waihu'u zahuré õ di, Uburé Danhib'apito te te tãma iwaihu'uzéb zarina, Sãsã za ãne na marĩ te te i'manharĩzé hã. Tawamhã 'Re ihâimana u'âsi mono hã ma tô tãma rĩni, filisteu norĩ te te i'a'wapé da zô, tô taha bâtâ na Izaraéu nhihudu norĩ, nhib'rata 're hâimana za'ra mono wa.