Zenezi 43:14 - ꞌRe Ihâimana Uꞌâsi Mono Zadawa Wasuꞌu

¹⁴ 'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Zenezi 43:14 ပူးပေါင်းရင်းမြစ်များ

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 22:14

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 35:11

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za.

Zenezi 39:21

Tane nherẽ, tame 'Re ihâimana u'âsi mono, isiré 're hâimana mono wa, ma tô iwẽ hã te te tãma 're apisutu. Taha zarina, ma tô oto dazazé 'madâ'â'wa Zuzé hã wẽsã.

Zenezi 42:24

Tawamhã Zuzé ãne na imreme te te wapari za'ra wa, ma tô oto ihawib za'ra hã watobro. Tahawa, ma tô aiwa'õ. Siwa'õi pari, duré apâ itẽme wisi za'ra wamhã, ma tô tidub'rata norĩ nho'a Simiã, da te dasiwi pawasisi da hã dama ti'ru.

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 43:13

Te za duré ano asiwi isaprõni 'wa pé. Sa'ẽtẽ te za ai'aba'réi wa'wa, õ hã aibâ hã duré asiwi sõpẽtẽ aba hâ.

Zenezi 44:12

Tahawa Zuzéhé nhorõwa 'madâ'â'wa, te amnho ré hã sa'u te te tiwi sô azabu, ipoto'rata te hawi, danhobabati te u. Tawamhã Bẽzamihĩ te, amnho ré sa'ui wata 're ma tô hâsizé hã tisã.

Esdra 7:27

Tawamhã Esdra te ãne tinha: — Uburé Danhib'apito, wahi'rata norĩ te 'Re ihâimana u'âsi mono ãma, wa ãma ĩwata, wẽ uptabi wa, niha na apito pẽ'ẽ 'remhã rosa'rata na hã te te ãma tiwi saprĩ wa, Zeruzalẽ ãma Uburé Danhib'apito nhorõwa 'ri te te iwazézém na hã.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Salmu 100:5

E marĩ wa, Uburé Danhib'apito hã wẽ uptabi wa, duré isimizawizé õne u'â tãma 're hâimana mono wa, duré umnhasi na 're ihâimana mono zé hã si'utõrĩ waihu'u õ wa.

Salmu 119:41

Uburé Danhib'apito, 're ĩzawi pese mono zém na ma'ãpé ĩ'ãma asihâi'ré na. Duré ĩnhitob'ru norĩ na hã ĩma ba'a, asimiropisudu i'manharĩzéb zarina.

Provébiu 1:1

à hã rowaihu iwẽ na Salomahã nhimiroti, Dawihi 'ra, Izaraéu norĩ nhib'apito.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Luca 1:50

Imreme, da te 're 'madâ'â pese za'ra mono wamhã, te za da'ãma 're pẽ'ẽzé u'âsi. Õne u'âsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:14

Tahawa, Zeruzalẽ u morĩ tõ da, wa te oto tiwi rosawi waihu'u za'ra õ di. Tahawa, wa tô tãma nharĩ za'ra ni oto, ãne: — Wẽ di tô. Mo oto tô aimorĩ. Wanhib'apito te te aima iwẽzéb uwaibaba, te za tô i'manha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.

1 Timotiu 1:16

Tane nherẽ, ma tô ĩ'ãma tipẽ'ẽzé, te te ĩ'azâri tõ da, 'Re ihâimana u'âsi mono hã. E marĩ da. Cristu Zezusi hã ĩ'ãma wa'a su'u õ wa, da'ãma iwa'a su'u õ na, da te ãma 're waihu'u za'ra mono da, za ĩza'u da te dasina 're i'umnhasi za'ra mono norĩ hã, i'rata 're dahâimana u'âsi za'ra mono da, rowẽ u'âsi ãma.

Titu 1:4

Titu, tahawa, wa ãma aima rob'ui'éré. Te i'aipawaptobzéb zarina, wasiré Wanhib'apito zazei'wa 're aimorĩ wa, wa ĩ'ra na asisi, asawi te. Wamama ma, wa ai'ãma 're ĩmreme u'âsi, 'Re ihâimana u'âsi mono ma, duré Wanhib'apito Cristu Zezusihi ma zama, isimizawizé hã ai'ãma 're hâimana u'âsi mono da, rowẽ u'âsi, ãma 're aimorĩ da.

2 Zuwã 1:3

Wamama ma, wa 're ĩmreme u'âsi, 'Re ihâimana u'âsi mono ma, duré i'ra Zezu Cristuhu ma zama, isimizawizé hã wa'ãma 're hâimana u'âsi za'ra mono da, ta norĩ ãma si rowẽ u'âsi, ãma 're wanomro mono da. Wa'ãma 're siwãrĩ u'âsi zahuré mono da, wa duré tãma 're ĩmreme u'âsi zahuré. Ãne te za te te wama 're apisutu zahuré, Wamama nhimiroti si tô sena na wasiré wa te ãma 're i'madâ'â pese za'ra mono norĩ ma, duré 're iwasisawi pese za'ra mono norĩ ma zama.