Zenezi 43:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Zenezi 43:11 ပူးပေါင်းရင်းမြစ်များ

Zenezi 33:10

Tane nherẽ, te Zaco te te tãma i'ruzém na ãma tãma sahu ãne: — Wẽ'õ tõ! Sena ĩwẽsãmrizé aima hâimana wamhã, ma'ãpé tô aima ĩnhoprubzé hã waibui wẽ na. Wa hã we aimorĩ ré, te ai'ubu 'madâ'â wamhã, 'Re ihâimana u'âsi mono ubu te i'madâ'âzém ne ai'ubu hã, a hã ĩ'âri wẽ zarina.

Zenezi 37:25

Taha pari ma tô saihuri da hã asimro. Taha ré, saihuri sina ma tô romhâ ré sãmri za'ra, Ismaeu nhihudu norĩ, Ziliadi hawi we isi'aba'ré hã awaru ba'õmore na dasisadazezém na 're idasi'ma'wamarĩ za'ra mono zé, duré dasai warĩrĩzé Ezitu u te te i'wasari hã.

Zenezi 43:10

Wazô rowaptâ'â za'ra ãna wahâimana za'ra õ 'wa'âhã, wa aré maparane wasi'aba'rézém na nasi wasina siri za'ra ni, õwamhã duré we apâ hã.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Zenezi 43:15

Tawamhã Zacoho 'ra norĩ ma tô tinhoprubzé hã duré rob'uiprazé isisiwi na hã te te sima sé. Taha pari te oto tawamhã Ezitu u ai'aba'ré, tino za'ra Bẽzamihĩ ré. Tawamhã sihutu wi, ma tô Zuzéhé ma te te tãma nharĩ za'ra da hã itẽme ai'aba'ré.

Zenezi 43:25

Tawamhã isisãnawã norĩ, Zuzé abzuma za itẽme wisi za'ra wa, te te tãma sõmri za'ra da, te te i'wasari hã ma tô oto sima sani siromo za'ra, te te waihu'u za'ra wa, za õme ime isa za'ra na hã.

Zenezi 43:26

Tawamhã Zuzé ma tô wi, tinhorõwa u. Wisi wi, ma tô tinhibzari hã tãma sõmri za'ra, tiza'rui hawi te te siré tãma i'wasari hã. Te te tãma sõmri za'ra wamhã, ma tô hi'rãtitõ isõ'remhã tãma asimro, ti'ubu na te te tãma roptob za'ra sina, ti'ai u.

Salmu 72:10

Espãnha ãma apito norĩ, rob'ré za'iti norĩ ãma apito norĩ me hã te za tinhoprub za'ra zé hã tãma sõmri za'ra, apito ma. Ãne te za duré Arabia ãmab zama apito norĩ hã, Etiopia ãma apito norĩ me hã tinhoprub za'ra zé hã tãma sõmri za'ra za.

Ezodu 3:8

Tahawa wa tô we si'ra, ezipsiu norĩ siptete na 're ihâimana za'ra mono hawi te dawazere da, ta hawi duré ti'a ĩsa'ẽne iwẽ u te danhimro mono da, ti'a iwẽ ãma cananeu norĩ, hitita norĩ, amoreu norĩ, perizeu norĩ, heveu norĩ, duré zebuzeu norĩ iwa 're ihâimana za'ra mono zéb u.

Provébiu 17:18

Isimiza'rese'õ norĩ si te iwaptoma 're ihâimana za'ra mono norĩ hâiba wapto'wa na 're hâimana za'ra mono da hã te te sima 're wẽ za'ra.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

Provébiu 19:6

Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 21:14

Ni'wa asada isahi ma, taré asõprubzé pi'uriwi tãma sõmri wamhã, asada isahizé hã te za tiwi ai'utõ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:14

Tahawa, Zeruzalẽ u morĩ tõ da, wa te oto tiwi rosawi waihu'u za'ra õ di. Tahawa, wa tô tãma nharĩ za'ra ni oto, ãne: — Wẽ di tô. Mo oto tô aimorĩ. Wanhib'apito te te aima iwẽzéb uwaibaba, te za tô i'manha.

1 Samuéu 25:27

Ma'ãpé, ĩnhoprubzé te we aima i'âri hã asiwi wẽ'õ ãna te za i'â, ate dasi'wapéi 'manharĩ'wa norĩ ma, sõmri za'ra da.

1 Samuéu 9:7

Tawamhã te Sau sadanha ãne: — Tawamhã bété itẽme wane wamhã, e marĩ, wa za tãma âri ni za tawamhã. Wasa hã tâibâ wanhimiro'wapézéb 'remhã. Marĩ õ di, wa te tãma isõmri da hã. E marĩ wa za tãma sõmri ni.