Zenezi 42:4 - ꞌRe Ihâimana Uꞌâsi Mono Zadawa Wasuꞌu

⁴ Tane nherẽ, Zaco Zuzéhé noi uptabi Bẽzamihĩ ma hã te te waprosi õ di, isiré za'ra morĩ da hã, marĩ sô watobro õ'umnhasite, ãne na ãma hâtâ'â siromo wa.

Zenezi 42:4 ပူးပေါင်းရင်းမြစ်များ

Zenezi 11:4

Tawamhã te ãne oto sima nharĩ za'ra: — Oto 'rinho'u, wa te wasiwi 'ri aba. Tawamhã taha 'remhã wa za 'ri 'rãihâ wada hã wasiwi 'manharĩ ni, hâiwa te te sina itété pese da hã. Ãhã wamhã, dama wawasu'u za'ẽtẽ na wa za 're wahâimana za'ra. Duré wa te 're iropéi mono da hã mare di za, ti'ai mono bâ 're wahâimana za'ra mono da hã.

Zenezi 3:22

Tawamhã Uburé Danhib'apito 'Re ihâimana u'âsi mono te ãne sima tinha: — Aibâ hã te oto wasine 're hâimana. E marĩ wa. Iwẽ hã duré iwasédé hã te te 're waihu'u mono wa oto. Tahawa, rowede 're idahâimana u'âsi za'ra mono nhomri'wai 'rã hã te te 're i'mairẽne mono da hã mare di, õne u'â dâ'â ãna ãma 're hâimana mono tõ da.

Zenezi 35:24

à norĩ, Raqueu zé're hawi ipoto zahuré hã: Zuzé, duré Bẽzami.

Zenezi 42:3

Tawamhã Zuzéhé dub'rata norĩ 10 na ihâiba za'ra hã te oto Ezitu u ai'aba'ré, amnho te te dawi 'mai'uipra za'ra da hã.

Zenezi 42:38

Tawamhã imama Zaco ma te asa ãma sada'â ãne: — Ĩ'ra, ãma aime za'ra wa'aba hã morĩ õ di za. Zuzé idub'rada hã ma tô dârâ. Tahawa Bẽzamihĩ si te oto ĩ'ratamhã 're sãmra. Duré ai'aba'réi aba ré, marĩ sô watobro wamhã, te za ĩsi'ihi wa, ĩpẽ'ẽzé zarina tô oto ĩdâ'âzé hã ĩzô iwazere za'ra wa'wa.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Zenezi 43:29

Tawamhã Zuzé sibabarãi u te te rob'madâ'â mono wamhã, ma tô tino Bẽzami hã 'madâ, tina 'ra hã. Tahawa, te ãne tidub'rata norĩ hã ãma sadanharĩ za'ra: — E õhõta asõbabati wa'wa, ĩma iwasu'u za'ra wa'wa hã. 'Ritéi'waire, 'Re ihâimana u'âsi mono si iwẽ hã te te aima 're i'apisutu mono da si, wa tô ĩsima aiwẽ.