Zenezi 42:36 - ꞌRe Ihâimana Uꞌâsi Mono Zadawa Wasuꞌu36 Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata. အခန်းကိုကြည့်ပါ။ |
'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.
'Re ihâimana u'âsi mono zawi pese 'wa norĩ da, marĩ iwasédé hã ahâ na sada 're hâimana za'ra mono nherẽ, te za 'Re ihâimana u'âsi mono hã iwẽ si te te tãma 're apisutu iwa'rãmi, te te sima 're i'awẽ mono zéb zarina, tinhib'a'uwẽ da, te te sima 're i'apisutu mono norĩ ma hã. Ãne hã wama waihu'u pese za'ra di oto wa norĩ hã.
Tô sena, asiptete sina ãma 're anomro u'âsi aba mono zô, 'Re ihâimana u'âsi mono hã te te 're aipibu za'ra wa'aba mono wamhã, aimawi na te te 're aipibu za'ra wa'aba mono õ di za, ipire uptabi na hã. Tô õhõ na si te te 're ida'apibui mono zém na si, te za tô te te 're aipibu za'ra wa'wa. 'Re ihâimana u'âsi mono hã uburé wama umnhasi za'ra di, marĩ na uburé te te wama 're i'aropisutu mono zém na hã. E tawamhã, asiptetezém nhipai u, te za ipire uptabi na te te aipibu na 're sahu za'ra wa'wa, aiwasété u apâ tiwi 're airere'e aba mono da. Mare di. Tô sena, asiptete sina ãma 're anomro u'âsi aba mono zô, te te 're aipibu za'ra wa'aba mono wamhã, te za niha te te aima 're pisutu za'ra wa'wa, rowẽ ré ihawi 're aiwairébé aba mono zéb da hã, õne haré asiptete sina ãma 're anomro u'âsi aba mono da.
Ti'ab ré, wa za tô wa te 're robzépata a'â. Tane nherẽ, ta hã wama wapure di. E marĩ wa. Taha wa'rãmi, te za 'Re ihâimana u'âsi mono iwẽ uptabi na hã duré ipire uptabi na hã te te wama 're wa'âbâ, isi'utõrĩ'õ na. Ti'ab ré, wa te 're robzépata za'ẽtẽ mono nherẽ, taha nhipai u wẽ uptabi di za, iwẽ na te te wama iropisutu siromo zé hã.
Tawamhã te Dawi hã ãne sima rosa'rata: — Nimahã bâtâ na Sau hã te za ĩwi. Tahawa, ĩma wẽ di za ĩmorĩ da hã, ĩsimani da, filisteu norĩ nhipti'ai u. Tawamhã te za Sau hã taré ĩzô 're rĩtĩ, uburé Izaraéu nhihudu norĩ nhipti'ai mono na hã. Ãne wamhã, wa za ĩsima iwẽ na nhamra, te ĩsima romnhimimnhasi ãna.