Zenezi 42:32 - ꞌRe Ihâimana Uꞌâsi Mono Zadawa Wasuꞌu

³² Wa norĩ hã aré 12 na wahâiba za'ra, wasisãnawã si wamama 'ra hã. Tane nherẽ, wano misi ma tô aimani. Isõsibi si te Cana'ã ãma wamama 'ratamhã 're hâimana.”

Zenezi 42:32 ပူးပေါင်းရင်းမြစ်များ

Zenezi 37:30

Tawamhã tisisãnawã norĩ u apâ te te sina siri wamhã, ma tô tãma nharĩ za'ra ãne: — Ab're hã baba di, wano 'ritéi'wa zabzé hã. E marĩ, wa za 'manha.

Zenezi 42:13

Tawamhã asa te duré ãne tãma siwasu'u za'ra: — Wa norĩ hã Cana'ã ãma wa 're wahâimana za'ra. Duré wa norĩ hã aré wamama 'ra 12 na wahâiba za'ra hã. Tane nherẽ, wano misi ma tô wawi aimani za'ra. Wa'rãsutu si te wamama 'ratamhã nhamra, ãhã na hã.

Zenezi 42:31

Tahawa, wa ãne ãma tãma wa'rãmi za'ra ni asa hã: “Wa norĩ hã wa aibâ sena na hã 're wahâimana za'ra. Tahawa wa te dama iwapsãi'a za'ra mono da hã we wasi'aba'réi õ di ãwamhã.

Zenezi 42:33

Tawamhã dama i'rãnho'u hã te ãne wama nharĩ za'ra: “Sena na i'uwaibaba na si 're i'aihâimana za'ra wa'aba mono na te aiwaihu'u za'ra wa'aba da, te za misi asisa'u ai'manhamra 'wa, ãme i'rata. Ãhã ré, te za ni'wam norĩ hã dasa i'wasari 'wa, ai'ra norĩ ma, mra hã ãma tãma simroi wa'aba da.