Zenezi 42:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã oto Cana'ã u sihutu wamhã, ma tô timama ma, uburé tãma iromhâimana za'ra zé hã tãma wasu'u za'ra, ãne:

Zenezi 42:29 ပူးပေါင်းရင်းမြစ်များ

Zenezi 42:28

Tawamhã tisisãnawã norĩ ma, ma tô tãma 'mahârâ za'ra ãne: — Ĩte rob'uiprazé apâ ma tô ĩma sẽrẽ ni. Ãhãta te nomro, ĩte sa'ui 'remhã. Tawamhã uburé si'rãmi za'ra wa, ma tô duré tirẽrẽ'ẽ za'ra, pahi te. Tahawa te ãne sima nharĩ za'ra: — E niha ma tô 'Re ihâimana u'âsi mono hã ãne na wama rob'manharĩ za'ra.

Zenezi 42:30

— Aibâ Ezituhu nhib'apito zapari dama i'rãnho'u, mreme tete na ma tô wama nharĩ za'ra. Taré ti'ai wa'õtõ nho'u wa te wasiwi sabu da, wa te dama irobzabu za'ra mono na hã.

Zenezi 44:24

— Tawamhã wanhorõwa u apâ wasihutu wamhã, wa tô wamama ma, uburé tãma asadawa wasu'u za'ra ni, wama inharĩ za'ra zém na hã.

Zenezi 45:25

Ãne Ezitu hawi ma tô oto wairé. Tawamhã Cana'ã u oto sihutu wamhã, ma tô timama Zacoho nhorõwa u aihutu.

Zenezi 45:26

Tawamhã te ãne tãma rowasu'u za'ra: — Zuzé hã te zahadu hâiba ré 're hâimana! Ta hã Ezitu ãma te dama i'rãnho'õmo na te te 're da'a'madâ'â. Tawamhã ãne na te te tãma wasu'u za'ra wamhã, ma tô aré Zaco hã simiza'rese'õ hai'utõ. Iwasu'u na te te duré ãma saze waihu'u za'ra õ di.