Zenezi 42:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã idub'rata norĩ sa'u we te te i'wasari 're, amnho da te tãma 'masisi za'ra mono da hã ma tô romhuri'wa norĩ ma hã tãma 'ru za'ra. Duré apâ rob'uiprazé ite za'ra sa'ui mono bâ, amnho zu da te tãma séme mono da hã ma tô dama 'ru za'ra. Duré bâdâdi na ĩsazé, da te tãma sõmri za'ra da zama ma tô duré dama ti'ru. Ãne ma tô tãma 'manharĩ wẽ za'ra.

Zenezi 42:25 ပူးပေါင်းရင်းမြစ်များ

Zenezi 42:26

Tawamhã awaru po're pore ba nhisiwi ma tô amnho te te i'wasari da hã oto sa'ra za'ra. Taha pari, te oto tawamhã ai'aba'ré.

Zenezi 43:12

Rob'uiprazéb zama te za duré ãma isisiwi na tãma i'wasari 'wa za isiré. E marĩ wa. A norĩ wa'wa sa'ui 're amnho we i'wasari aba zu, isõpẽtẽ za'ra wa'aba wa'rãmimhã, apâ tãma isõmri za'ra wa'aba da si, ta hã te te ai'uptob za'ra wa'aba dâ'âsina. Ãté ta hã ma te sa'rese ãna aima séme za'ra wa'aba ni.

Zenezi 45:21

Tawamhã ãne Zacoho 'ra norĩ hã ma tô siwi 'manha. Zuzé, apito te te tãma i'ruzéb zarina, ma tô ro'wapézém norĩ wedewara zapore hã, duré bâdâdi na ĩsazéb da zama hã tãma sõmri za'ra.

Mateu 5:44

Tane nherẽ, wa za duré wa hã aimawi aima waihu'u za'ra wa'wa, tô õhõ na rotizém na hã. Ai'ruiwapari'wa norĩ hã te za 're isawi pese za'ra wa'aba mo. Duré te te aima 're irob'manharĩ wasété za'ra wa'aba mono norĩ ãma, te za 're aimreme zusi aba mo, 'Re ihâimana u'âsi mono ma, iwẽ si te te tãma 're apisutu mono da, ta norĩ ma.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

1 Pedru 3:9

Duré asada 're dahâimana wasété za'ra wa'aba mono wamhã, asa dama ãma 're wa'rãmi za'ra wa'aba mono õ di za, aihâimana wasété na. Duré dapẽ'ẽ na taré da te 're ai'ruiwapari za'ra wa'aba mono wa, da te aima 're nharĩ za'ra wa'aba mono nherẽ, asa dama ãma 're wa'rãmi za'ra wa'aba mono õ di za, aimreme wasété na hã. Wamama wi si, te za ta norĩ ma 're iwaptẽrẽ za'ra wa'aba mo, iwẽ si te te tãma 're sõmri za'ra mono da, ta norĩ ma hã. Ãne da, ma tô Wamama hã sitẽme asô tihârâ za'ra wa'wa, iwẽ na si aima 're sõprub za'ra wa'aba mono da.