Zenezi 42:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã asa te duré ãne tãma siwasu'u za'ra: — Wa norĩ hã Cana'ã ãma wa 're wahâimana za'ra. Duré wa norĩ hã aré wamama 'ra 12 na wahâiba za'ra hã. Tane nherẽ, wano misi ma tô wawi aimani za'ra. Wa'rãsutu si te wamama 'ratamhã nhamra, ãhã na hã.

Zenezi 42:13 ပူးပေါင်းရင်းမြစ်များ

Zenezi 37:30

Tawamhã tisisãnawã norĩ u apâ te te sina siri wamhã, ma tô tãma nharĩ za'ra ãne: — Ab're hã baba di, wano 'ritéi'wa zabzé hã. E marĩ, wa za 'manha.

Zenezi 42:11

Wa norĩ hã simisutu na wamama wama 're ihâimana za'ra mono 'ra. Duré apito, wa norĩ hã dama wapsãi'a'wa norĩ õ di. Sena na i'uwaibaba na si 're iwahâimana za'ra mono.

Zenezi 42:12

— Te ãma asaze za'ra wa'aba õ di. Tô ti'ai wa'õtõ nho'õmo 'remhã nima niwĩ ro sib'uware na 're isa'wari mono zô asiwi waihu'u aba da, te we ai'aba'réi wa'wa. — Ãne ma te asa tãma ãma wa'rãmi na sahu za'ra.

Zenezi 42:14

Tawamhã Zuzé ma te duré asa ãma tãma wa'rãmi za'ra ãne: — Mare di. Te tô we dama iwapsãi'a za'ra wa'aba mo.

Zenezi 42:32

Wa norĩ hã aré 12 na wahâiba za'ra, wasisãnawã si wamama 'ra hã. Tane nherẽ, wano misi ma tô aimani. Isõsibi si te Cana'ã ãma wamama 'ratamhã 're hâimana.”

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 42:38

Tawamhã imama Zaco ma te asa ãma sada'â ãne: — Ĩ'ra, ãma aime za'ra wa'aba hã morĩ õ di za. Zuzé idub'rada hã ma tô dârâ. Tahawa Bẽzamihĩ si te oto ĩ'ratamhã 're sãmra. Duré ai'aba'réi aba ré, marĩ sô watobro wamhã, te za ĩsi'ihi wa, ĩpẽ'ẽzé zarina tô oto ĩdâ'âzé hã ĩzô iwazere za'ra wa'wa.

Zenezi 43:29

Tawamhã Zuzé sibabarãi u te te rob'madâ'â mono wamhã, ma tô tino Bẽzami hã 'madâ, tina 'ra hã. Tahawa, te ãne tidub'rata norĩ hã ãma sadanharĩ za'ra: — E õhõta asõbabati wa'wa, ĩma iwasu'u za'ra wa'wa hã. 'Ritéi'waire, 'Re ihâimana u'âsi mono si iwẽ hã te te aima 're i'apisutu mono da si, wa tô ĩsima aiwẽ.

Zenezi 43:7

Tawamhã asa ma te ãne duré ãma sada'âbâ za'ra: — Õ hã aibâ hã ma tô nasi wazadanharĩ na sahu za'ra, wahâiba na za'ra hã duré wa'ra norĩ na. Ãne ma tô duré wazadanharĩ za'ra: “E aimama 'wa te zahadu hâiba ré 're hâimana. E te duré asisãnawãi wa'wa aimawi hã 're 'maihâimana.” Tahawa, tô te te nasi wazadanharĩ za'ra wamhã, wa tô nasi tô õhõ wamreme na si ãma sada'âbâ za'ra ni. E niha wa aré bété waihu'u za'ra ni, wano wa te itẽme wasiwi saprõni da, te te wawi ihâiba waptẽrẽ za'ra zém na hã.

Zenezi 44:20

Tawamhã wa tô ãne ãma asada'âbâ za'ra ni: “Ĩhe, zahadu wamama te wama 're hâimana za'ra. Ma tô si'ihi pese oto. Duré wano hã te 're 'maihâimana, wamama si'ihi pese nherẽ, ipodo hã. Wano za'ra isõwamhã ma tô dârâ. Tahawa te ãhã na hã siwaprosi tina ma 're hâimana. Te duré wamama hã te te 're sawi pese uptabi.”

Zenezi 44:28

Misi ma tô siparamhã ĩrẽ. Niwamhã ĩtõmo na te oto 'madâ'â na sitéb õ di. Ãté tô abaze zahi ma tô siwi tenhiwazu.

Zenezi 45:26

Tawamhã te ãne tãma rowasu'u za'ra: — Zuzé hã te zahadu hâiba ré 're hâimana! Ta hã Ezitu ãma te dama i'rãnho'õmo na te te 're da'a'madâ'â. Tawamhã ãne na te te tãma wasu'u za'ra wamhã, ma tô aré Zaco hã simiza'rese'õ hai'utõ. Iwasu'u na te te duré ãma saze waihu'u za'ra õ di.

Mateu 2:16

Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha.

Mateu 2:18

“Rama na romnhisi ãma hã dawawa hã ma tô wapari za'ra ni, dazadari 'rãihâ hã. Raqueu hã te aiwa'õ, ti'ra norĩ ãma. Pẽ'ẽzé uptabi wa, te te sima wẽ õ di, da te ipẽ'ẽtété da hã, i'ra norĩ hã uburé tiwi si'utõrĩ wa.”