Zenezi 42:11 - ꞌRe Ihâimana Uꞌâsi Mono Zadawa Wasuꞌu

¹¹ Wa norĩ hã simisutu na wamama wama 're ihâimana za'ra mono 'ra. Duré apito, wa norĩ hã dama wapsãi'a'wa norĩ õ di. Sena na i'uwaibaba na si 're iwahâimana za'ra mono.

Zenezi 42:11 ပူးပေါင်းရင်းမြစ်များ

Zenezi 42:12

— Te ãma asaze za'ra wa'aba õ di. Tô ti'ai wa'õtõ nho'õmo 'remhã nima niwĩ ro sib'uware na 're isa'wari mono zô asiwi waihu'u aba da, te we ai'aba'réi wa'wa. — Ãne ma te asa tãma ãma wa'rãmi na sahu za'ra.

Zenezi 42:16

Misi te za sô ai'maimorĩ 'wa, anoi wa'aba zô hã. Tawamhã a norĩ wa'wa hã te za asisa'u hã dazazéb 'remhã aimasa wa'wa, sena na duré niha wamhã, senai õ na i'asiwasu'u za'ra wa'aba zém na te i'aiwaihu'u za'ra wa'aba zéb u. Sena hãi õ wamhã, dama wapsãi'a'wa na wa za tô aiwaihu'u za'ra wa'wa. Ã hã apito zadawa para, wa sena na aima ropisutu za'ra wa'wa, ãne na.

Zenezi 42:19

Sena na i'uwaibaba na si 're aihâimana za'ra wa'aba mono wamhã, te za misi asisa'u dazazéb 're ai'manhamra 'wa, nima norĩ apâ ai'aba'réi wa'aba nherẽ, 'wasari aba da amnho hã, ai'ra norĩ ma mra hã ãma tãma simroi wa'aba da.

Zenezi 42:31

Tahawa, wa ãne ãma tãma wa'rãmi za'ra ni asa hã: “Wa norĩ hã wa aibâ sena na hã 're wahâimana za'ra. Tahawa wa te dama iwapsãi'a za'ra mono da hã we wasi'aba'réi õ di ãwamhã.

Zenezi 43:7

Tawamhã asa ma te ãne duré ãma sada'âbâ za'ra: — Õ hã aibâ hã ma tô nasi wazadanharĩ na sahu za'ra, wahâiba na za'ra hã duré wa'ra norĩ na. Ãne ma tô duré wazadanharĩ za'ra: “E aimama 'wa te zahadu hâiba ré 're hâimana. E te duré asisãnawãi wa'wa aimawi hã 're 'maihâimana.” Tahawa, tô te te nasi wazadanharĩ za'ra wamhã, wa tô nasi tô õhõ wamreme na si ãma sada'âbâ za'ra ni. E niha wa aré bété waihu'u za'ra ni, wano wa te itẽme wasiwi saprõni da, te te wawi ihâiba waptẽrẽ za'ra zém na hã.

Zuwã 7:18

Dasi'uihâ na danhimirosa'rata na da te dama 're rowasu'u za'ra mono wamhã, te za sô 're simnhasi za'ra, mreme wẽ wa, ãma 're dawata za'ra mono zô. Datẽme dazatõrĩ'wai ãma si 're dawata za'ra mono da, da te dasima 're wẽ za'ra mono wamhã, tô sena na si danhimirowasu'u hã, dazadawa nhipese ãna.

2 Corĩtu 6:4

A norĩ wa'wa hã, 'Re ihâimana u'âsi mono ma, wa te 're iromhuri za'ra mono zém na si, asiwi wawaihu'u za'ra wa'aba da, wa uburé marĩ hã wẽ na wa te 're 'manharĩ za'ra. E niha tawamhã, 're iwahâimana za'ra mono zé hã. Uburé marĩ na, wa te 're robzépata za'ra mono nherẽ, duré rowasédé hã wazada 're wairébé u'âsi mono nherẽ, wa wanhiptete sina ãma 're wanomro u'âsi, wa te 're sazei'õ utõrĩ za'ra mono ãna.