Zenezi 42:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã asa ma te ãne ãma tãma wa'rãmi za'ra: — Mare di, wanhib'apito. Taha dai õ di. Wa norĩ hã aima romhuri'wa norĩ, mra wa te 'mai'uipra za'ra da si wa tô we ai'aba'ré ni.

Zenezi 42:10 ပူးပေါင်းရင်းမြစ်များ

Zenezi 27:29

A'uwẽ mono bâ asapari te te aima 're iromhuri za'ra mono da si, iwẽ hã. Duré daro mono bâ da te dasiwi 're i'aiwazé mono da si, iwẽ hã. Duré asisãnawã norĩ nhib'apito na 're i'aihâimana mono da si, iwẽ hã. Duré ana zé're hawi a'uwẽ norĩ hã, asõ'remhã aima 're isiwẽ'ẽ za'ra mono da si, iwẽ hã. Tawamhã duré iwasédé te te aima 're ipisutu za'ra mono norĩ ma hã, 'Re ihâimana u'âsi mono, ta norĩ ma, iwasédé te te tãma 're ipisutu za'ra mono da si, iwẽ hã. Duré iwẽ te te aima 're ipisutu za'ra mono norĩ ma, 'Re ihâimana u'âsi mono, iwẽ te te tãma 're ipisutu za'ra mono da si, iwẽ hã.”

Zenezi 27:37

Tawamhã Izaqui, ma te ãne asa sada'â: Wa hã Zacoho ma, pire na aima 're ihâimana mono zéb da hã wa tô tãma pisutu pa. Duré uburé isisãnawã norĩ te te tãma 're romhuri za'ra mono da hã, wa tô tãma pisutu. Duré amnho na sa'ẽtẽ na te ãma 're upari u'âsi mono da hã, duré uwa 'rãi wa'u isé sa'ẽtẽ na te ãma 're upari u'âsi mono da hã, wa tô tãma pisutu. Tahawa ãhã na hã ĩ'ra, te ai'ãma irowaptẽrẽ da hã waihu'u õ di.

Zenezi 37:8

Tawamhã isisãnawã norĩ ma te ãma sada'âbâ za'ra ãne: — E a hã wanhib'apito na wama 're aihâimana za'ra mono da bâ. E duré 're wa'awada'uri mono da bâ. Tawamhã ma tô oto tame sima 'rui poto pese za'ra, tinhimirosawẽrẽ te te tãma iwasu'u za'ra zéb ãma, ãne na hã.

Zenezi 42:11

Wa norĩ hã simisutu na wamama wama 're ihâimana za'ra mono 'ra. Duré apito, wa norĩ hã dama wapsãi'a'wa norĩ õ di. Sena na i'uwaibaba na si 're iwahâimana za'ra mono.

Zenezi 44:9

Ni'wa te 're, hâsizé sõpẽtẽ wamhã, te za wĩrĩ ni za. Tawamhã wa norĩ hã wapawa'âbâ ãna aima romhuri za'ra wa'aba 'wa na wa za 're wahâimana za'ra.

1 Samuéu 26:17

Tawamhã Sau hã ma tô mreme waihu'u, Dawi hã. Tahawa, te ãne sadanha: — E a hã Dawi, ĩ'ra. Tawamhã Dawi ma tô sada'â ãne: — Ĩnhib'apito, ĩhe, wa hã.