Zenezi 41:52 - ꞌRe Ihâimana Uꞌâsi Mono Zadawa Wasuꞌu

⁵² Tawamhã duré isãna're ipodo hã ma tô sisi, Efraĩ na. Tahawa te duré tinha ãne: “'Re ihâimana u'âsi mono, ma tô ĩ'ra hã ĩma sõmri zahuré, ti'ai wa'õtõ nho'õmo 're, te 're irobzépata mono zéb 'remhã”.

Zenezi 41:52 ပူးပေါင်းရင်းမြစ်များ

Zenezi 17:6

Asihudu ahâ uptabi di za. Te za duré ta norĩ 'remhã nima norĩ dama 're si'apito za'ra.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 41:51

Tawamhã ipoto'rada hã ma tô sisi, Manasé na. Ãne ma te tawamhã, isisi na hã ãma dama tinha: “'Re ihâimana u'âsi mono hã ma tô ĩpawapto, te 're irobzépata mono na hã ĩpo're si'âri da, duré uburé ĩmama 'ra norĩ na zama ĩpo're si'âri da.”

Zenezi 41:53

Tawamhã Ezitu ãma danho ahâ na 're romhâimana mono ré, ma tô oto 7 wahu hã ai'utõ.

Zenezi 48:1

Tawamhã we ronomro pari, te Zuzéhé ma imama hã tãma wasu'u ni, ihâzé pire na. Tahawa, te Zuzé te te sabu da itẽme mo, ti'ra Manasé norĩ ré, Efraĩhĩ me.

Zenezi 48:14

Tawamhã Zaco, tipaihi te te oto sarõtõ wamhã, tinhib'rata na duré siwa'rãmi wamhã, ma tô tinhib'rata nhimire niwĩmhã dano nherẽ, Efraĩhĩ 'rã nhisi wimhã tihi. Ma tô duré idub'rada Manaséhé 'rã nhisi wimhã tinhib'rata nhimi'e niwĩmhã ãma tihi.

Zenezi 48:5

Tawamhã Zaco ma duré timreme na Zuzéhé ma, ãma uzusi ãne: — Ai'ra Efraĩ norĩ hã, Manaséhé me we ãwa ĩmorĩ wana ré, Ezitu 're ãme ipoto zahuré hã, te za ĩte na ĩma 're hâimana zahuré. Ĩte uptabi na hã te za ĩma 're hâimana zahuré, Rubẽ norĩ, Simiãhã me, ĩte na ĩma 're ihâimana zahuré mono ne.

Zenezi 49:22

“Zuzé hã te rowede, â na'rata 'rata 'rãi pese na 're isa mono ne 're hâimana, ipanhipti 'ri 'wawi wa'ra 'rãihâ na hâimo te te 're irowaibui mono ne.

Zenezi 50:23

Ma tô duré Efraĩhĩ nhihudu norĩ hã hâiba ré te te 're a'madâ'â. Tawamhã ma tô duré isihudu Maquihi 'ra norĩ hã tipa te te 're azazari, Manaséhé 'ra sipodo hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.

1 Samuéu 1:20

Tahawa, ma tô oto tiwasã Ãna hã. Duré za tãma ipotozé bâtâ uwaibaba ma te tãma podo. Tawamhã ma tô sisi ina hã, Samuéu na. Tahawa, te ãne ãma rowasu'u: — Wa hã ã hã ĩ'ra, te tiwi iwaptẽrẽ, Uburé Danhib'apito wi.