Ĩnhotõ 'rowimhã wa tô roptehutu na daburu ãma trigu teihi hã wasisi za'ra ni wasiré. Tawamhã te iwasi, ma tô uihâ na wahudu, sab da hâiwi. Tawamhã te iwasisi mana wawi te asimiwasisi za'ra wa'wa hã aimasa. Ãhã wa, te iwasisi ma, ma tô asimiwasisi za'ra wa'wa hã tãma aiwẽ'ẽ za'ra, tãma ipire za'ra zarina.
Zenezi 41:32 - ꞌRe Ihâimana Uꞌâsi Mono Zadawa Wasuꞌu32 Asimirosawẽrẽ na ãma isahu hã, 'Re ihâimana u'âsi mono, za marĩ te te i'manharĩ su'u da, te te sima irowairébézé, te wasu'u. အခန်းကိုကြည့်ပါ။ |
Zenezi 41:32
18 ပူးပေါင်းရင်းမြစ်များ
Ãne te te iwasu'u hã, ẽtẽ tõmo wawẽ, da te rési õ nherẽ, ẽtẽ nhisi hawi waptã'ã ré i'madâ hã, isi'uwazi tede ferru 'manharĩ na, brõzi na, prata na, zé'a na, duré oru na ropodo te te ipru pe. 'Re ihâimana u'âsi mono ma tô aima hâi'ré, za marĩ apto'oré iwatobrozé. Ãne irosawẽrẽzé hã. Duré ãne te aima ãma isaprĩzé hã i'uwaibaba na si wa aima wasu'u.
Tawamhã Uburé Danhib'apito te za ãne ta norĩ ma hã nharĩ za'ra, isimire niwĩm norĩ ma: “Ĩmama, iwẽ si te te aima 're isõmri za'ra wa'aba mono norĩ hã te za oto ĩ'rata 're aihâimana u'âsi za'ra wa'aba mo. Duréihã te te aropoto mono wamhã, ma tô sima aipisutu za'ra wa'wa, ai'ãma 're sib'a'uwẽ za'ra wa'aba mono da. Tahawa, te za oto ĩ'rata 're aihâimana u'âsi za'ra wa'aba mo, ai'ãma 're sib'a'uwẽ u'âsi za'ra wa'aba mono da oto.
— Tawamhã isimi'e niwĩ isimasam norĩ ma, te za oto nharĩ za'ra, ãne: “A norĩ wa'wa hã ma tô 'Re ihâimana u'âsi mono hã te te siwi 're aiwẽ'õ pese za'ra wa'wa. Mo oto ĩnhiti ai'aba'réi wa'aba, unhama ro'o u'âsi u, wa'uburé norĩ zô 'Re ihâimana u'âsi mono te te ipisutuzéb u, duré ta norĩ nhib'apito zô zama.
Tane nherẽ, ta norĩ hã te te waihu'u za'ra õ di tô. Duréihã 'Re ihâimana u'âsi mono zadawa 'mahârâ'wa hã ma tô ãne na ãma rob'ui'éré siro: “'Re ihâimana u'âsi mono zawi pese 'wa norĩ ma, iwẽ hã te te tãma 're i'apisutu mono zé hã, te te tãma ãma 're i'a'uwaimrami mono zéb da hã, dasi'uihâ na datõmo na da te 're 'madâ'â waihu'u za'ra mono õ di. Duré dapo're na da te 're wapari waihu'u za'ra mono õ di. Duré dapẽ'ẽ na dasi'uihâ na da te dasina 're waihu'u za'ra mono õ di, da te dasina ãma 're i'uwaimrami za'ra mono zéb da hã, 'Re ihâimana u'âsi mono, iwẽ hã tinhib'a'uwẽ norĩ ma, te te 're i'apisutu mono hã.”
Si'ubdatõ, ãma atẽme za'ra wa'aba ĩmorĩ na hã wa za oto sahu, te asabu za'ra wa'aba da. Duréihã Mozési hã ma tô ãne na ibaihâ na rob'ui'éré, 'Re ihâimana u'âsi mono nhimiroti na hã: “Ni'wam norĩ da, 're dawasété za'ra mono wamhã, maparane dahâiba ma, te za 're siwasu'u za'ra, ta norĩ hã danho'a te te 're sadawa waptob za'ra mono da, tãma 're isiwasu'u za'ra mono zém na hã.” Ãne duréihã 'Re ihâimana u'âsi mono nhimiroti na rob'ui'éré hã. Tawamhã wa hã ãma atẽme ĩmorĩ aba wamhã, taha zarina, wa za tô sena zarina, aiwasété za'ra wa'aba na hã aiwaihu'u za'ra wa'wa.
Tawamhã ãhã wamhã, ma tô oto tãma wasihu za'ra. Duréihã ma tô 'Re ihâimana u'âsi mono hã ãma ropisutu siromo za'ra, niwa bâdâ te te ipisutuzé hã, iwa waptã'ã wapsi, te te da'uprosi mono da. Tô ã bâtâ na iwa waptã'ã wa, ma tô ipawasisizé hã tãma wasihu za'ra. Tawamhã daro mono bâ da'ahâ uptabi prã na te za wa'uburé norĩ hã te te da'uprosi, daza'ratazé wãiwa prã na.
ကြော်ငြာတွေ