Zenezi 41:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Zuzé, te apito ma tãma tinha ãne: — Maparane isahoi mono zé te misi haré marĩ hã wasu'u zahuré. Ta norĩ na hã ma tô 'Re ihâimana u'âsi mono, marĩ hã aima waihu'u siro, za marĩ te te i'manharĩzéb da hã.

Zenezi 41:25 ပူးပေါင်းရင်းမြစ်များ

Zenezi 40:8

Tawamhã ma te ãne ãma tãma wa'rãmi zahuré: — Wahâiba si'uiwa na wa tô rosawẽrẽ ni. Tane nherẽ, ni'wa hâimana õ di, te te ãma wama isaprĩ da hã, wa te isahoi mono zé, marĩ te te iwasu'uzé, wa te iwaihu'u da hã. Tahawa ma tô wawi tirobzei'õ pese. Tawamhã Zuzé te asa ãne tãma nharĩ zahuré: — 'Re ihâimana u'âsi mono si te za rosawẽrẽ na isaprĩ waihu'uzé hã te te dama 're anhomri. Tahawa, ma'ãpé, irosawẽrẽ aba zé hã ĩma wasu'u aba, te waihu'u da.

Zenezi 41:16

Tawamhã Zuzé ma te asa ãma tãma wa'rã, ãne: — Ta hã, ĩsi'uihâ na hãi õ di. 'Re ihâimana u'âsi mono si, te za irosawẽrẽzém na hã ãma asada'â, marĩ hã za ihâimanazé romnhowam na ãma iwaihu'u wẽ zéb da hã.

Zenezi 41:26

Powawẽ iwẽ ihâipe, 7 na ihâiba hã te 7 na wahu hã wasu'u. Duré 7 na amnho te hawi iteihi mono bâ i'rã iwairébé, i'rã iwẽ uptabi isu wawẽ isurudu hã, aiwa te tô 7 na wahu hã wasu'u zahuré.

Zenezi 41:28

I'uwaibaba na wa tô ĩmreme na hã ãma aima rowasu'u. 'Re ihâimana u'âsi mono, ma tô marĩ za te te i'manharĩzé hã aima hâi'ré siro, apito.

Zenezi 41:32

Asimirosawẽrẽ na ãma isahu hã, 'Re ihâimana u'âsi mono, za marĩ te te i'manharĩ su'u da, te te sima irowairébézé, te wasu'u.

Ezodu 9:14

E marĩ wa. Ãhã na tãma waprosi za'ra õ wamhã, wa hã wa za ĩnhimirob'manharĩ pipa na hã ai'azâ. Aima romhuri'wa norĩ zama hã, duré ate a'uwẽ norĩ zama hã wa za hâ za'ra, a hã waihu'u da, ti'ai ãma ni'wa ĩsine ihâimana õ na hã.

Daniéu 2:45

Ãne te te iwasu'u hã, ẽtẽ tõmo wawẽ, da te rési õ nherẽ, ẽtẽ nhisi hawi waptã'ã ré i'madâ hã, isi'uwazi tede ferru 'manharĩ na, brõzi na, prata na, zé'a na, duré oru na ropodo te te ipru pe. 'Re ihâimana u'âsi mono ma tô aima hâi'ré, za marĩ apto'oré iwatobrozé. Ãne irosawẽrẽzé hã. Duré ãne te aima ãma isaprĩzé hã i'uwaibaba na si wa aima wasu'u.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.

Mateu 24:40

— Ãté aibâ norĩ hã buru na siré te te romhuri zahuré ré, te za we apâ mo, dazô. Tawamhã ãté ihâiba amo hã te za tiwi ti'â hâiwa u, 'Re ihâimana u'âsi mono hã. Ãhã wamhã ãté ihâiba amo si hã te za tirẽ za.

Marcu 13:23

Ãne hã wa aima waihu'u siromo za'ra wa'wa, romhâ ré, pibui pese sina, ãma sô 're rob'madâ'â za'ra wa'aba mono da.

Éfézu 1:17

Wamama hã waihu'u pese za'ẽtẽ na dâ'âsina, wa aima za'ra wa'aba te tiwi 're rowaptẽrẽ u'âsi, hâiwa hawi dahâimanazém na rowaihu hã Tipẽ'ẽzani na te te aima 're sõmri u'âsi za'ra wa'aba mono da, duré Wamama hã ihâimanazém na 'râwi 're waihu'u za'ra wa'aba mono da, 'Re ihâimana u'âsi mono hã, Wanhib'apito Zezu Cristuhu 'madâ'â'wa hã.

Zozué 11:6

Tawamhã Uburé Danhib'apito te Zozuéhé ma tinha, ãne: — Tãma aipahi za'ra tõ. Awẽmhã tô ãne bâtâ na wa za ta norĩ hã uburé pese uprosi, Izaraéu nhihudu norĩ ma. Tawamhã a hã ite za'ra awaru te za tiwi i'amorĩ'õ. Te za duré ãma tiwi i'azazu, wedewara zapore na dasi'wapézém na hã.

Apocalipsi 4:1

Taha za'u si, wa tô duré marĩ hã te ab'madâ'â, ĩnhotõ 'rowim ne. Hâiwa u wa tô rob'madâ. Te rob'madâ'â wamhã, wa tô 'madâ, hâiwa 'ridawa hã. Õne haré 'ridawa u'âsi na ihâiba hã. Tawamhã ni'wai mreme, mreme 'rãihâ na isimnhihârâzém hârâ ne te iwapari 'rata ne hã wa tô duré wapa. Ãne te ĩ'mahâ: — We ãwa aimorĩ hâimo, te aima awasu'u mono da, za 're iromhâimana mono zéb da hã ab'madâ'â mono da.