Zenezi 41:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Zuzé ma te asa ãma tãma wa'rã, ãne: — Ta hã, ĩsi'uihâ na hãi õ di. 'Re ihâimana u'âsi mono si, te za irosawẽrẽzém na hã ãma asada'â, marĩ hã za ihâimanazé romnhowam na ãma iwaihu'u wẽ zéb da hã.

Zenezi 41:16 ပူးပေါင်းရင်းမြစ်များ

Zenezi 37:14

Tawamhã Zaco te duré tãma tinha ãne: — Te za aimo, asisãnawã norĩ rowẽ zô, duré pone'ẽrebâ norĩ rowẽ na simasab zô sabu za'ra da, iwasu'u za'ra we ĩma âri da. Tawamhã ta hawi Hebrõ na romharé nhisi hawi ma tô Zaco ti'ra Zuzé hã satõ, Siquẽ u morĩ da. Tahawa Zuzé ma tô oto mo. Tawamhã tamomo oto wisi wamhã,

Zenezi 40:8

Tawamhã ma te ãne ãma tãma wa'rãmi zahuré: — Wahâiba si'uiwa na wa tô rosawẽrẽ ni. Tane nherẽ, ni'wa hâimana õ di, te te ãma wama isaprĩ da hã, wa te isahoi mono zé, marĩ te te iwasu'uzé, wa te iwaihu'u da hã. Tahawa ma tô wawi tirobzei'õ pese. Tawamhã Zuzé te asa ãne tãma nharĩ zahuré: — 'Re ihâimana u'âsi mono si te za rosawẽrẽ na isaprĩ waihu'uzé hã te te dama 're anhomri. Tahawa, ma'ãpé, irosawẽrẽ aba zé hã ĩma wasu'u aba, te waihu'u da.

Zenezi 41:17

Tawamhã apito, ma tô tãma wasu'u ãne, tinhimirosawẽrẽ hã: — Te irosawẽrẽ 'rem hã Nilu panho'õmo zaihâ na wa tô za.

Zenezi 41:25

Tawamhã Zuzé, te apito ma tãma tinha ãne: — Maparane isahoi mono zé te misi haré marĩ hã wasu'u zahuré. Ta norĩ na hã ma tô 'Re ihâimana u'âsi mono, marĩ hã aima waihu'u siro, za marĩ te te i'manharĩzéb da hã.

Zenezi 41:28

I'uwaibaba na wa tô ĩmreme na hã ãma aima rowasu'u. 'Re ihâimana u'âsi mono, ma tô marĩ za te te i'manharĩzé hã aima hâi'ré siro, apito.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.

Daniéu 4:2

Wa tô ĩsima wẽ, 'Re ihâimana u'âsi mono danhipai u isiptete uptabi, marĩ dama i'manharĩ waihu'u'õ iwẽ uptabi te te ĩma ihâi'rézé hã uburé waihu'u za'ra wa'aba da.

Luca 19:42

Tahawa, te ãne tinha: — Ãhã na dama 're irowẽ za'ra mono zé hã dama waihu'u za'ra 'wa'âhã, aré dama 're rowẽ za'ra mono di. Tane nherẽ, dama waihu'u za'ra õ di. Tahawa, da'ãma ĩpẽ'ẽzé di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:12

Tawamhã Pedru te te da'madâ'â wamhã, te dama tinha, ãne: — Wasiré Izaraéu nhihudu norĩ, e marĩ wa, ma wa'ãma atob'uzu za'ra wa'wa. Wasi'uihâ na ihi'ré hã wa te ipese õ nherẽ, morĩ wẽ da hã, te we wa'ãma asõpré wa'wa. Wasi'uihâ na wa te pese õ di, wa norĩ hã. 'Re wane wẽ wa, wa te pese newa, te wei iwa'madâ'â za'ra wa'wa. Mare di. Ãne wab õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:7

Taha pari, Pedru hã ma tô pa'â isimire niwĩ, ihi'ré hã te te wahutu da. Te te wahutu wamhã, awa'awi ma tô parahaptete. Ma tô duré tipara'õtõ nhiptete.

1 Corĩtu 15:10

Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.

2 Corĩtu 3:5

E wa norĩ hã wasi'uihâ na wama waihu'u pese di ãne hã, Cristuhu wasu'uwẽ na wa te dama 're irowasu'u mono zéb da hã. Mare di. 'Re ihâimana u'âsi mono te te 're iwapawapto mono zéb zarina si, wama waihu'u pese di, iwasu'uwẽ na, wa te dama 're iromhuri mono zéb da hã, taha zarina, da te 're saze za'ra mono da.