Zenezi 40:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Zuzé awẽm na te te sabu zahuré da, itẽmeb zahuré morĩ wamhã, ma tô hâtâ'â na ihâimana zahuré na ubu waihu'u zahuré.

Zenezi 40:6 ပူးပေါင်းရင်းမြစ်များ

Zenezi 40:5

Tawamhã nimahã mara na ma tô uwa 'rãi wa'u isé za'wari'wa norĩ, i'u'ẽtẽ wapu 'manharĩ'wai me hã si'uiwa na te te saho zahuré. Isimirosawẽrẽ zahuré si'uiwa na marĩ te te iwasu'u hã.

Zenezi 40:7

Tahawa, te ãne sadanharĩ zahuré: — E marĩ wa, te ãhã na hã ai'ubu zei ãna aihâimana 'wa.

Zenezi 40:8

Tawamhã ma te ãne ãma tãma wa'rãmi zahuré: — Wahâiba si'uiwa na wa tô rosawẽrẽ ni. Tane nherẽ, ni'wa hâimana õ di, te te ãma wama isaprĩ da hã, wa te isahoi mono zé, marĩ te te iwasu'uzé, wa te iwaihu'u da hã. Tahawa ma tô wawi tirobzei'õ pese. Tawamhã Zuzé te asa ãne tãma nharĩ zahuré: — 'Re ihâimana u'âsi mono si te za rosawẽrẽ na isaprĩ waihu'uzé hã te te dama 're anhomri. Tahawa, ma'ãpé, irosawẽrẽ aba zé hã ĩma wasu'u aba, te waihu'u da.

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Daniéu 5:6

Tahawa, ma tô tãma ti'ubu'a pese. Ma tô tipahi pese. Tahawa ma tô ihi'rãti hã nasi si'ahâri zahuré. Ma tô rẽrẽ, i'rãi hawi ipara u.

Daniéu 7:28

Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Daniéu 8:27

Wa hã Daniéu, bâtâ siwaptom na wa tô ĩhâiba zei õ na duré ĩhâzé na we ĩhâimana. Taha pari oto apâ we ĩwẽ na ĩhâimana mono wamhã, wa tô apâ dama ĩ'rã nho'õmo nhimiromhuri na hã te romhuri. Tane nherẽ, marĩ te i'ab'madâ'â mono zém na si ĩhâtâ'â u'âsi di, te isadaihu'u da hã ĩma pire wa.