Zenezi 40:2 - ꞌRe Ihâimana Uꞌâsi Mono Zadawa Wasuꞌu

² Tahawa sada siti'ru zahuré wa,

Zenezi 40:2 ပူးပေါင်းရင်းမြစ်များ

Zenezi 40:1

Tawamhã we romhâimana mono pari, Ezitu te, apito ma, ma tô tãma romhuri'wa norĩ, marĩ te te tãma i'manharĩ zahuré zéb zarina sima 'ruzani zahuré, apito ma, uwa 'rãi wa'u isé za'wari'wa norĩ nhib'ihâ'a hã, duré, i'u'ẽtẽ wapu 'manharĩ'wa norĩ nhib'ihâ'a me.

Zenezi 40:21

Tawamhã ãne na Zuzé te te tãma iwaihu'u zahuré zéb zarina si, ma tô tãma tiromhâimana zahuré: Tahawa, apito, uwa 'rãi wa'u isé za'wari'wa norĩ nhib'ihâ'a hã ma tô apâ tisã, uwa 'rãi wa'u isé za'wari'wa na te te tãma 're romhuri mono da. Ma tô duré i'u'ẽtẽ wapu 'manharĩ'wa norĩ nhib'ihâ'a, hâiwi isa'o na da te wĩrĩ da hã dama ti'ru.

Zenezi 40:23

Tane nherẽ, uwa 'rãi wa'u isé za'wari'wa hã, ma tô Zuzéhé na hã po're ha'âri pese. Ãhã wa, tinhimirosa'rata na hã niwamhã ãma po're pu'u õ di tô.

Zenezi 41:10

Nimahã bâtâ na ĩzada asiti'rui wamhã, duré i'u'ẽtẽ 'manharĩ'wa zada asiti'rui wamhã, ma tô dama iwahâiba 'ru, dazazéb 're, da te waza da, apito 'madâ'â'wa norĩ nhib'ihâ'a nhorõwa ãma.

Provébiu 16:14

Apito 're isiti'rui mono zé hã dama simimnhasi uptabi di, dadâ'â da hã. Tane nherẽ, i'rãiwaihu'u wẽ hã te za te te 're hâimana wahâ, atãma na hã.

Provébiu 19:12

Apito 're isahi mono zé hã aiwa hu'u zérépa wairõ ne te 're hâimana. Tane nherẽ, isimizawizé hã aiwa atébré rowarã na du te te 're iwaihi za'ra mono ne hã.

Provébiu 19:19

Ni'wa hã ihâimana wa'ro su nimahã na te te robzépata tõ da, pawaptom nherẽ, sisãmri dai õ di. Duré pawaptob zahu nherẽ, isisãmri da hã mare di. Tahawa, ihâimana wa'ro su'u norĩ te te tô 're robzépata za'ra mono.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:20

Tawamhã apito Erodi hã ma tô sahi u'âsi dazada hâimana, Tiru na 'ri nho'õmo nhisi ãma 're idahâimana za'ra mono norĩ zada, duré Sidõ na 'ri nho'õmo nhisi ãma 're idahâimana za'ra mono norĩ da zama. Tahawa, Tiru hawi ma tô da'madâ'â'wa norĩ hã ai'aba'ré, apito Erodihi u, Sidõ hawib zama. Erodi hã te te siwi sadaihu'u da, ma itẽme hã sito. Tawamhã Blastu na Erodihi nhibrob 'madâ'â'wa nhisi u uimrehẽne, ma tô aihutu. Tawamhã te ãne tãma siwasu'u za'ra, Blastuhu ma hã: — Ma'ãpé, wa'ãma aime za'ra na, Erodihi me apâ wa te wasima ropese za'ra da, wasazé hã wa te duré wasima 're uipra za'ra mono da, isib'a'uwẽ norĩ wi apâ. Tawamhã Blastu hã ma tô ãma saze za'ra, ãma sime za'ra da. Taha pari, ma tô Erodihi u aihutu, te te duré ta hã sadawa pibu za'ra da, tisazé te te apâ 're i'uipra za'ra mono zéb da hã.