Zenezi 40:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zuzé te tãma tinha ãne: — Irosawẽrẽzé, ãne hã te wasu'u: Si'ubdatõ uwa 'ru panhipti sisa'ridi hã si'ubdatõ bâdâ te wasu'u.

Zenezi 40:12 ပူးပေါင်းရင်းမြစ်များ

Zenezi 40:11

Tawamhã wa hã wa tô apito nhimihâsizé ĩnhib'ratamhã 're ti'â. Tahawa, wa tô iwa'u zô hã i'remhã 'rãiwati za'ra. Taha pari apito ma hã, wa tô duré tãma tisõ, te te hâ'rẽne da.

Zenezi 40:13

Bâdâ si'ubdatõ ai'ãma ne pari, te za apito Fara'o hã dama ai'ru, da te aiwazere da, dazazém hawi. Tawamhã te za apâ hã asã za, 're iromhuri 'rata mono zéb u, apito ma, uwa 'rãi wa'u isé za'wari na 're romhuri mono da, iwana wam ne.

Zenezi 40:18

Tawamhã Zuzé, isimirosawẽrẽ na ma tõ ãma tãma saprĩ ãne: — Irosawẽrẽzé, ãne hã te wasu'u. Si'ubdatõ si'õno hã te si'ubdatõ bâdâ wasu'u.

Zenezi 41:12

Tamemhã te hebreu wasiré hã 're hâimana, apito 'madâ'â'wa norĩ nhib'ihâ'a ma, romhuri'wa hã. Tawamhã taha ma, wa tô wanhimirosawẽrẽ hã tãma wasu'u ni. Tahawa ma tô ãma wama saprĩ, wa te irosawẽrẽzé, marĩ te te iwasu'uzém na hã.

Zenezi 41:28

I'uwaibaba na wa tô ĩmreme na hã ãma aima rowasu'u. 'Re ihâimana u'âsi mono, ma tô marĩ za te te i'manharĩzé hã aima hâi'ré siro, apito.

Daniéu 4:18

Tawamhã Nabucodonozo timreme na te te ãma tãma i'rãsutu na hã, te ãne Daniéu ma tinha: — Ãne te irosawẽrẽzé. Ni'wa hã ĩte rowaihu'u pese 'wa norĩ te te ĩma ãma saprĩ waihu'u za'ra õ di, marĩ te te iwasu'uzém na hã. Tane nherẽ, Béutésaza, aima si waihu'u pese di, ãma ĩma isaprĩ da hã, ihâiba'õ norĩ pẽ'ẽzani aiwa sébré wa. Tahawa, ma'ãpé ãma ĩma saprĩ na, te irosawẽrẽzé marĩ te te iwasu'u hã.

Mateu 26:26

Tawamhã saihuri ré, ma tô i'u'ẽne hã ti'â, Zezusi hã. 'Re ihâimana u'âsi mono ãma te iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Ãne te oto tãma nharĩ za'ra: — Ã, i'u'ẽne hã huri aba. Ã hã ĩhâiba te wasu'u.

1 Corĩtu 10:4

 hã 'Re ihâimana u'âsi mono te te dama i'õb za'ra mono na ma tô duré da te 're âhuri, aihĩni pese. Ẽtẽ zahâbâ itõmo wawẽ sipo'ozém hawi 're ipu'u mono na, ma tô da te 're âhuri, isimipawaptobzéb zarina. Ẽtẽ zahâbâ hã a'ubuni wi 're isa mono na, â hã da te ãma 're i'âhuri mono ne, ma tô Cristu hã 'râwi dasiré 're hâimana, te te 're da'apawapto mono da.

Galata 4:25

Arabia na daza'ru nhisi ãma, Sina'i na ẽtẽ 'rãihâ nhisi hã, Aga te wasu'u. Zeruzalẽ na 'ri nho'õmo nhisi, Aga hã te tô duré wasu'u. E marĩ wa. Zeruzalẽ 're, 're idahâimana za'ra mono norĩ hã danhimiwada'uri zarina, dapawa'âbâ ãna 're idahâimana za'ra mono norĩ ne, te robzei õ na 're dahâimana za'ra.

Zuize 7:14

Tawamhã isiwaihu, ma te ãma sada'â ãne: — Zoasihi 'ra, Gidiãhã nhi'wa pa, te wasu'u, Izaraéu nhihudu hã! Ã hã te wasu'u, õhõ ma, za wanhib'a'uwẽ norĩ, duré wa te dasi'wapéi 'manharĩ'wa norĩ, 'Re ihâimana u'âsi mono te te tãma ihâiba nhomri za'ra zé.