Zenezi 4:5 - ꞌRe Ihâimana Uꞌâsi Mono Zadawa Wasuꞌu

⁵ Tane nherẽ, Caĩhĩ nhibzari si te te wẽsãmri õ di. Ma tô wẽ'õ. Tahawa, ma tô Caĩ ab'rui pese. Duré ma tô ti'ubu zei'õ pese.

Zenezi 4:5 ပူးပေါင်းရင်းမြစ်များ

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Zenezi 31:5

Tawamhã itẽme simasisi wamhã, te ãne tãma nharĩ zahuré: — Aimama 'wa ĩsiwaihu'u na imorĩ'rata na ĩma ihâimana nei õ na isihâi'rézém na wa tô 'madâ'â waihu'u. Tane nherẽ, ĩmama te, 'Re ihâimana u'âsi mono hã te ĩsiré 're hâimana u'âsi.

Zenezi 39:19

Tawamhã ãne na timro siwasu'uzé te te wapari wamhã, ma tô Zuzéhé da isib'ihâ'a hã sada tinhiti'rui pese.

Provébiu 19:3

Danhimiza'rese'õ na niha na 're idanomro mono zéb zarina, te za dahâimanazé hã da te dasiwi 're wasété pese za'ra. Duré dapẽ'ẽ 're te za Uburé Danhib'apito da hã 're danhiti'ru za'ra, ta hã te te upa newa.

Provébiu 29:10

Dapãrĩ'wa norĩ hã te sena na 're ihâimana za'ra mono norĩ zada 're siti'ru wairébé. Tane nherẽ, te iwẽ norĩ hã i'wawimhã 're simapa za'ra.

Mateu 20:15

Te ĩsima iwẽzéb zarina, ĩte rob'uiprazém na te da'apawa'âbâ wamhã, e ĩwasédé wa tô 'manha. Mare di. Ĩwasédé hã te 'manharĩ õ di. Ãté taré dama ĩnhopru wa, ma tô ĩzada asahi, bâtâ bâ te te ĩma romhuri za'ra õ nherẽ, bâtâ na dapawa'âbâzém na te pawa'âbâ za'ra 'ru te.” Ãne ma tô buru tede'wa hã tãma siwaihu'u, tãma iromhuri'wai ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:45

Tane nherẽ, da'ahâ na idasi'rã'õno hã zudeu norĩ hã te te da'madâ'â za'ra wamhã, ma tô da'ruiwapari za'ra. Tawamhã Pauluhu mreme hã ma tô dawi wẽ'õ za'ra, zudeu norĩ hã. Tahawa, timreme na ma tô nasi ãma tãma wa'rãmi za'ra, Pauluhu mreme wa'rãmi. Ma tô duré ãma tiwa'ẽ za'ra.

Hebreu 11:4

Abéu hã, 'Re ihâimana u'âsi mono si te te sina 're i'umnhasi mono zéb zarina, ma tô iwẽ uptabi na tãma tinhopru, 'Re ihâimana u'âsi mono ma. Caĩhĩ nhibzari si, te te wẽsãmri õ di, 'Re ihâimana u'âsi mono hã. Tahawa, Abéu hã 'Re ihâimana u'âsi mono si te te sina 're i'umnhasi mono zéb zarina, ma tô 'Re ihâimana u'âsi mono hã wẽsã, 're imorĩ wẽ na zama. Tahawa, ma tô Abéu nhoprubzép si wẽsã. Ãne na Abéu hã 'Re ihâimana u'âsi mono te te sina 're umnhasi mono wa, duréihã dâ'â nherẽ, zahadu hâiba ré wama 're ihâimana za'ra mono ne, te wama 're hâimana za'ra, taha ãma duré 're wasipo're pu'u u'âsi za'ra mono wa.

Zuda 1:11

Ta norĩ ma, tãma ropipa uptabi za'ra di za, duréihã Caĩ, 're ihâimana wasété mono zém ne, 're hâimana za'ra mono wa. Duré Balaã hã rob'uiprazéb zô 're imorĩ wasété ne, te te 're rob'ruiwapari za'ra mono wa, tãma 're ropipa uptabi za'ra mono di za. Duréihã Cora hã ma tô ti'madâ'â'wa hã wẽ'õ, 'Re ihâimana u'âsi mono nhimipisutu nherẽ. Tane te duré aibâ iwasété norĩ hã isazei'wa norĩ 'madâ'â'wa norĩ nhimiroti hã te te 're wẽ'õ pese za'ra, 'Re ihâimana u'âsi mono nhimipisutu nherẽ. Tahawa, Cora isi'utõrĩ ne te za duré ai'utõ za, aibâ iwasété norĩ hã.

1 Samuéu 16:7

Tane nherẽ, te Uburé Danhib'apito tãma tinha ãne: — Ihâiba mana wawi iwẽ na hã duré i'rãihâ na hã, 'madâ'â ze tõ, ã hã aibâ hã. Wa tô wẽ'õ wa hã. E marĩ wa. Dahâiba wẽ zéb zarina da te 're idapisutu za'ra mono ne hãi õ wa, ĩnhimipisutuzé hã. Dapẽ'ẽ 're dahâimana wẽ zéb zarina si ĩnhimi'madâ'âzé hã, wa hã.