Zenezi 4:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã duré Setihi ma, ma tô i'ra hã tãma 'maipodo. Ta hã ma tô duré sisi, Enosi na. Tawamhã tame ma tô oto Uburé Danhib'apito nhisi waptẽrẽ na hã ãma 're dawata na'rata za'ra.

Zenezi 4:26 ပူးပေါင်းရင်းမြစ်များ

Zenezi 12:8

Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 26:25

Tawamhã Izaqui, tame ẽtẽ za'ra te te 'manharĩ wamhã, ma tô Uburé Danhib'apito ãma tiwata. Duré tô taha ti'ai 're romhâ 'manharĩ na te te sima 'ri nhoré mono wamhã, ma tô duré tame tãma romhuri'wa norĩ hã â zô ab're hã siwi ab're.

Zuéu 2:32

Tawamhã ni'wam norĩ hã Uburé Danhib'apito nhimipawaptobzé te te tiwi iwaptẽrẽ za'ra hã te za uburé sõ'reptu za'ra. E marĩ wa. Wanhib'apito hã ma tô ropisutu, ni'wam norĩ hã isi'utõrĩ'õ hã za Siã na ẽtẽ'rãihâ nhisi ãma, Zeruzalẽ ãma 're si'ubumroi mono da. Ã norĩ hã Uburé Danhib'apito te te ipisutu za'ra norĩ si te za tinho'reptuzé hã sina uwaimrami za'ra, hâiba ré.

Luca 3:38

Ca'inahã poto'wa nhisi hã, Enosi na isisi hã. Enosihi poto'wa nhisi hã, Seti na isisi hã. Setihi poto'wa nhisi hã, Adã na isisi hã. Adãhã poto'wa hã, 'Re ihâimana u'âsi mono.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:26

Tawamhã tamomo wisi wamhã, ma tô sõpẽtẽ. Ta hawi, ma tô apâ saprõ, Ãtioquia u. Tame te aimasisi zahuré oto. Isazei'wa norĩ, siré 're isi'rã'õtõ mono norĩ 'rata te 're simasisi zahuré, te te dama 're rowahutu zahuré mono da. Misi ma tô ãma tiwahub zahuré, te te 're da'apawaptob zahuré mono ré hã. Tame ma tô Cristuhu nhib'a'uwẽ na da te 're sisi na'rata za'ra, Zezusihi nhirã zarina 're inomro mono norĩ hã, Ãtioquia ãma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:21

Tawamhã te dapawaptob da, da te ĩwi waptẽrẽ za'ra wapsi, wa za tô sena da'anho'reptu.”

Roma 10:13

Duréihã 'Re ihâimana u'âsi mono zadawa 'mahârâ'wa hã ma tô duré ãne na rob'ui'éré: “Ni'wam norĩ hã Danhib'apito uptabi te te 're sõ'reptu za'ra mono da, te te tiwi 're waptẽrẽ za'ra mono wamhã, te za norĩ hã te te tô 're anho'reptu, ihâiba mono bâ.”