Zenezi 4:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Caĩ norĩ imro me hã, ma tô i'ra tãma ti'maipoto zahuré. Ta hã ma tô duré sisi zahuré, Enoqui na. Tawamhã duré nimahã na, Caĩ 'ri nho'u te te i'ri hã, ma tô ti'ra nhisi na hã sisi, Enoqui na.

Zenezi 4:17 ပူးပေါင်းရင်းမြစ်များ

Zenezi 11:4

Tawamhã te ãne oto sima nharĩ za'ra: — Oto 'rinho'u, wa te wasiwi 'ri aba. Tawamhã taha 'remhã wa za 'ri 'rãihâ wada hã wasiwi 'manharĩ ni, hâiwa te te sina itété pese da hã. Ãhã wamhã, dama wawasu'u za'ẽtẽ na wa za 're wahâimana za'ra. Duré wa te 're iropéi mono da hã mare di za, ti'ai mono bâ 're wahâimana za'ra mono da hã.

Zenezi 4:16

Tawamhã Caĩ, Uburé Danhib'apito 're ihâimana mono zém hawimhã ma tô watobro. Tahawa, ma tô mo, Nodi na romnhisi ãma 're hâimana mono da oto, Édẽ bâtâ pusizém niwĩ 're ihâimana mono ãma.

Zenezi 4:18

Ta hã Enoqui, Iradehe mama, duré Irade hã, Meuza'éhé mama, duré Meuza'é hã, Matuzarẽhẽ mama, duré Matuzarẽ hã, Rametihi mama.

Zenezi 5:18

Tawamhã duré Zaredihi ãma 162 na ãma iwahub ãma, ma tô i'ra Enoqui na isisi hã duré tãma podo.

Zenezi 5:22

Taha parimhã Enoqui, 300 na ãma iwahum na ma tô 'Re ihâimana u'âsi mono ãma 're hâimana. Ma tô duré i'ra si'aibâ norĩ, i'ra sipi'õ norĩ me tãma tipoto za'ra.

Daniéu 4:30

ma tô ãne sima tinha: — E niha 'ri nho'u Babilonia hã dama isa'ẽtẽ uptabi! Wa hã wa tô ĩnhiptete na 'ri nho'u hã 'manha, iwa apito na 're ĩnhamra mono zéb da hã, uburé dama ĩpire na duré ĩnhiptete na te 're ida'a'madâ'â mono zé hã te dama hâi'ré da.