Zenezi 4:14 - ꞌRe Ihâimana Uꞌâsi Mono Zadawa Wasuꞌu

¹⁴ Ã bâtâ na te za ã hã ti'ai hawi ĩzatõ. Tahawa wa za ai'ubu wi hã 're ĩsima'uri u'âsi. Duré siwa'ru wa za daro mono bâ 're mo, hâiwi si. Tawamhã duré siwa'ru da te dasiwi 're ĩnhopẽtẽ mono wamhã, te za dasima da te 're wẽ za'ra, da te dasiwi ĩwĩrĩ da hã.

Zenezi 4:14 ပူးပေါင်းရင်းမြစ်များ

Zenezi 3:24

Tawamhã duré oto rob're 're ihâimana mono hawi aibâ te te satõrĩ wamhã, ma tô rob're bâtâ pusizém niwĩ ihâimana ãma sõré, hâiwa ãma romhuri'wa isiptete norĩ si hã. Sib'ézé 'wapa 'wa ro'o ré hã ma tô duré tisã, te te nasi irowaimrami mono da hã. Ãne 'Re ihâimana u'âsi mono, ma tô 'manha, ni'wa hã ãhã rowede 'rã da te 're huri mono wa, dadâ'â ãna 're idanomro u'âsi mono zé rowede tẽme 'râwi wisi tõ da hã.

Zenezi 4:13

Tawamhã Caĩ, te Uburé Danhib'apito ma asa tãma tinha ãne: — Ã hã ipire uptabi na ĩma irob'manharĩzé hã, te 'wapéi waihu'u õ di za.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Provébiu 28:1

Iwasédé hã te za wara, simani da, ni'wa hã isarina wara õ nherẽ. Tane nherẽ, sena na 're ihâimana mono hã te sib'ru na 're hâimana u'âsi, hu'u zérépa ne hã.

Mateu 25:41

— Tawamhã isimi'e niwĩ isimasam norĩ ma, te za oto nharĩ za'ra, ãne: “A norĩ wa'wa hã ma tô 'Re ihâimana u'âsi mono hã te te siwi 're aiwẽ'õ pese za'ra wa'wa. Mo oto ĩnhiti ai'aba'réi wa'aba, unhama ro'o u'âsi u, wa'uburé norĩ zô 'Re ihâimana u'âsi mono te te ipisutuzéb u, duré ta norĩ nhib'apito zô zama.

Mateu 25:46

— Tawamhã ta norĩ hã te za oto ai'aba'ré, 'Re ihâimana u'âsi mono nhiti, isimihâzém na za te te 're irobzépata u'âsi za'ra mono zéb u. 'Re ihâimana u'âsi mono nhimiroti te te 're i'madâ'â pese za'ra mono norĩ si, te za i'rata 're hâimana u'âsi za'ra, rowẽ u'âsi ãma.

2 Tesalonita 1:9

Ta norĩ hã te za sisiti satõrĩ za'ra, isiti 're si'ubumroi u'âsi mono da, rowẽ'õ u'âsi ãma. Taha na te za te te 're robzépata u'âsi za'ra. Tawamhã Wanhib'apito nhiti 're dahâimana za'ra mono wamhã, tiwaihu'u pese na marĩ hã rowẽ uptabi na, te te 're da'apawapto mono õ di za. Taha ré 're dahâimana za'ra mono õ di za. Ãne, sena na te za dama arowairébé.