Zenezi 4:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã 'Re ihâimana u'âsi mono te ãne tãma tinha: — E marĩ da, ma tô ãne hã i'manha. Asisãnawãi wapru te ti'ai hawimhã 're sadari. Te duré waptẽ, ti'ruiwa'âbâzé hã.

Zenezi 4:10 ပူးပေါင်းရင်းမြစ်များ

Zenezi 18:20

Tawamhã Uburé Danhib'apito, te Abra'ãhã ma oto tinha ãne: — Sodoma norĩ ãma Gomora me, iwasédé da te ãma 're inomri zahuré mono zé sa'ẽtẽ uptabi di. Duré iwa 're idahâimana za'ra mono norĩ wasété za'ra zé hã pire uptabi di.

Zenezi 3:13

Tawamhã Uburé Danhib'apito 'Re ihâimana u'âsi mono te pi'õi ma tinha ãne: — E marĩ da, ma tô ãne hã i'manha. Tawamhã pi'õ, ma te ãne asa ãma tãma wa'rã: — Wahi, ĩma isadawa nhipese zarina wa tô ti'rẽ, rob'rã hã.

Zenezi 9:5

Wa hã te te 're idanhimroi mono norĩ nhimi'manharĩzé wa'rãmimhã, wa za te tãma 're awa'âbâ, ĩnhimi'manharĩzém na hã, aiwab da. Duré abaze te te 're idanhimroi mono norĩ nhimi'manharĩzé wa'rãmimhã, wa za duré te tãma 're awa'âbâ, ĩnhimi'manharĩzém na hã, aiwab da.

Salmu 72:14

Te duré da te 're iwati za'ra mono zé wi hã, duré isipãrĩ ze norĩ wi hã te te tãma 're aba'a, itõmo ma hã ihâimanazéb za'ra wẽ uptabi wa.

Ezodu 3:7

Tawamhã Uburé Danhib'apito te ãne duré tãma tinha: — Ezitu ãma ĩnhib'a'uwẽ norĩ ma, da te tãma 're irob'manharĩ wasété za'ra mono zém na hã wa tô te 're 'madâ'â za'ra. Duré tiwada'uri'wa norĩ wi, da te pawaptob za'ra da, te te 're irowaptẽrẽ za'ra mono zé hã wa tô te 're wapari. Wa hã ĩma waihu'u pese di, te te tô 're irobzépata za'ra mono zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:3

Taha wamhã, te Pedru tãma tinha, ãne: — Anania, e marĩ da, ma tô Satanasihi nhimiwada'uri zarina i'manha. Tahawa, ma tô 'Re ihâimana u'âsi mono pẽ'ẽzani ma, asadawa nhipe. Asipti'ai wa'â hã pi'uriwi ma tô asima ipo'o 'wa, aimro me.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:9

Tawamhã Pedru te tãma tinha, ãne: — Te asima irosa'rata wasété 'wa, 'Re ihâimana u'âsi mono pẽ'ẽzani hã tô sena iwaihu'u pese zô pibui wa'aba da. E marĩ da, ma bété ãne hã i'manharĩ 'wa. Ma'ãpé, wapari. Aimro nherẽ'wa norĩ hã te we para'rasi za'ra. Ta norĩ hã te za siwi ai'â.

Hebreu 11:4

Abéu hã, 'Re ihâimana u'âsi mono si te te sina 're i'umnhasi mono zéb zarina, ma tô iwẽ uptabi na tãma tinhopru, 'Re ihâimana u'âsi mono ma. Caĩhĩ nhibzari si, te te wẽsãmri õ di, 'Re ihâimana u'âsi mono hã. Tahawa, Abéu hã 'Re ihâimana u'âsi mono si te te sina 're i'umnhasi mono zéb zarina, ma tô 'Re ihâimana u'âsi mono hã wẽsã, 're imorĩ wẽ na zama. Tahawa, ma tô Abéu nhoprubzép si wẽsã. Ãne na Abéu hã 'Re ihâimana u'âsi mono te te sina 're umnhasi mono wa, duréihã dâ'â nherẽ, zahadu hâiba ré wama 're ihâimana za'ra mono ne, te wama 're hâimana za'ra, taha ãma duré 're wasipo're pu'u u'âsi za'ra mono wa.

Hebreu 12:24

Zezusihi u ma tô duré asina 're irob'umhutu za'ra wa'aba mo. Ta hã te oto 'Re ihâimana u'âsi mono te te dama iropisutuzép té hã te te wa'ãma 're ab'madâ'â u'âsi. Duréihã Caĩ hã tino te te wĩrĩ wa, iwapru hã tiwi pu'u wamhã, 'Re ihâimana u'âsi mono te te i'ruiwa'âbâzé, te wasu'u, Abéu wapru hã. Tanei õ di, Zezusihi wapru hã. Dazada dâ'â wa, iwapru hã tiwi pu'u wamhã, 'Re ihâimana u'âsi mono hã dawasédé te te dama 're i'apari mono zé, te wasu'u.

Tiagu 5:4

Aiburu na romhuri'wa norĩ hã 're pawa'âbâ za'ra wa'aba mono õ di. Õhõta te aiwapsari za'ra. Hâiwa hawi te za dawapa, amnho ubumroi'wa norĩ 're isiwapsari za'ra mono zé hã 'Re ihâimana u'âsi mono, danhipai u iwaihu'u pe hã.

Zozué 7:19

Tawamhã Acãhã ma, te Zozué tinha, ãne: — Ĩ'ra, sena na te za asiwẽ'õ, Uburé Danhib'apito, Izaraéu nhihudu norĩ te 'Re ihâimana u'âsi mono nho're. Ĩma wasu'u na, marĩ i'manharĩzé hã; duré rosa'rata tõ, asima i'udâ da hã.

1 Samuéu 13:11

Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.