Zenezi 39:9 - ꞌRe Ihâimana Uꞌâsi Mono Zadawa Wasuꞌu

⁹ Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Zenezi 39:9 ပူးပေါင်းရင်းမြစ်များ

Zenezi 13:13

a'uwẽ wasété uptabi na si 're ihâimana za'ra mono ãma, tiwasété si 'Re ihâimana u'âsi mono zada, te te 're i'manharĩ za'ra mono zéb ãma.

Zenezi 20:3

Tawamhã 'Re ihâimana u'âsi mono, bara na Abimelequi sõtõ ré isimirosawẽrẽ na ma tô itẽme wi. Tahawa, ma tô ãne tãma tinha: — Te za atâ, pi'õ imro ré zô da'mazatõrĩ wa, sô da'maimorĩ da hã.

Zenezi 20:6

Tawamhã 'Re ihâimana u'âsi mono, sõtõ 'rowim na nherẽ, ma te ãma sada'â ãne: — Tô ĩma waihu'u pese di, uburé marĩ aihâimana wẽ zarina iwẽ i'manharĩzé hã. Tahawa tô aiwasété tõ da, wa hã wa tô aiwi tété, pi'õ upi tõ da hã.

Zenezi 20:9

Taha pari Abimelequi, Abra'ãhã zô hârâ wamhã, ma tô ãne tãma tinha: — E marĩ ma tô wama i'manharĩ za'ra. E marĩ iwasédé hã te aiwi 'manharĩ bâ, ma tô niha na ĩma iromhâimanazé ĩnhisiwi, duré ĩte ti'ai wa'õtõ nho'õmo nhisiwi ropipa iwasété uptabi hâimana da hã ĩma i'manha! Ãne na asimi'manharĩzé hã ibâi õ di, da te dasima 're irob'manharĩ za'ra mono zéb zarinai õ wa.

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 39:10

Tawamhã sadahutu ãna te bâtâ sidâpâsi nasi waptẽ, waptâ wa iré nomro da hã. Tane nherẽ, te Zuzé nasi tiwi sisawi, iré nomro tõ da. Duré 'râwi i'rata hâimana tõ da ma tô tiwi si'madâ'â pese.

Zenezi 41:40

Tahawa te za a hã ĩnhimiromhurizé 'ri za'ẽtẽ 'remhã, dama i'rãnho'õmo na hã 're aihâimana mo. Tahawa, te za uburé ĩnhib'a'uwẽ norĩ asimiwada'urizém na hã te te siwi 're aimreme wapari pese. Tawamhã ĩwétési wa za asipai u dama ĩpire na hã 're ĩhâimana, wa hã apito uptabi na 're ĩhâimana mono wa.

Zenezi 42:18

Ãhã wa, si'ubdatõ bâtâ ãma te Zuzé tãma siwasu'u za'ra ãne: — Wa hã 'Re ihâimana u'âsi mono hã wa tô te 're wazé pese. Tahawa, te aima iwaihu'u za'ra wa'aba zéb zarina, ĩma 'manharĩ za'ra wa'aba wapsi, da te ai'uprosi aba da hã te dama asa'ré za'ra wa'aba õ di za.

Neemia 5:15

Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Neemia 6:11

Tawamhã wa tô ãma tãma wa'rã ãne: — E marĩ zarina bâ, wa za dawi aimani. Duré 'Re ihâimana u'âsi mono nhorõwa 'ri ãma ĩsima'uri wa, ĩsisõ'reptu da hã, e tô isarina. Ãne hã te i'manharĩ da hã mare uptabi di.

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Ezodu 20:14

— Aimro na asiwi 're asimisaihuri za'ra wa'aba mono tõ.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Luca 12:48

Ãté, ni'wai ma, waihu'u pese õ di za, isib'apito nhimiroti hã. Tawamhã marĩ te za upa. Tahawa, te za iwapu na si suru na azâri ni, tãma waihu'u pese õ wa, isib'apito nhimiroti hã. Ãté te za ni'wai ma waihu'u pese, tinhimiroti hã, 'Re ihâimana u'âsi mono hã. Te te tãma waihu'u pese wamhã, te za sô 're simipari, danhipai u te te tãma ãma 're uwaimrami mono da, isimiroti hã.

1 Corĩtu 4:2

Ni'wa hã isibro, da te tãma 're 'madâ'â mono da, te te sima da'maipisutu wamhã, e niha ihâimanazé hã za, tãma irob'madâ'â'wa da hã. Isib'apito ma, tãma umnhasi na, te za te te tãma 're rob'madâ'â wẽ, te te wẽsãmri da hã.

Titu 2:10

Duré marĩ hã tinhib'apito wi te te 're simi'uri za'ra mono õ di za. Te za te te tãma 're romhuri wẽ za'ra, te te tiwi 're upa za'ra mono ãna. Tawamhã 'Re ihâimana u'âsi mono nhimiroti zarina si 're nomro wẽ mono wa, te za Wa'anho'reptui'wa nhimiroti wẽ na 're dawata za'ra.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.

1 Zuwã 3:9

'Re ihâimana u'âsi mono 'ra norĩ hã tiwasédé te te 're 'manharĩ u'âsi za'ra mono õ di za. Mare di. E marĩ wa. 'Re ihâimana u'âsi mono hã ipẽ'ẽ 're, 're ipoto téb za'ra mono zé hã te te tãma 're anhomri mono wa. Duré 'Re ihâimana u'âsi mono hã, ãma 're 'ra za'ra mono wa, tiwasédé hã õne u'âsi te te 're 'manharĩ waihu'u za'ra mono õ di za tô.

Apocalipsi 21:8

Tane nherẽ, ni'wam norĩ hã te za unhama ro'o u'âsi wa'wa 're hâimana u'âsi za'ra, aré da te 're simroi mono pipa te, ĩwi 're isipizari za'ra mono norĩ hã, duré te te 're ĩzazei utõrĩ za'ra mono norĩ hã, duré marĩ iwasété uptabi na 're ihâimana wasété za'ra mono norĩ hã, duré dapãrĩ'wa norĩ hã, duré dahâiba na 're ihâimana wasété za'ra mono norĩ hã, duré simi'â na 're ihâimana za'ra mono norĩ hã, duré romhâiba 'manharĩ ãma ĩ'upana 're iwata za'ra mono norĩ hã, duré sadawa nhipese na 're ihâimana za'ra mono norĩ hã. Uburé pese, te za ẽtẽ ro'o nhizédé uzé pire wa'wa 're dahâimana u'âsi za'ra, 're idahâimana wasété za'ra mono norĩ hã, unhama ro'o u'âsi wa'wa. Unhama ro'o u'â hã maparane ãma 're idadâ'â zahu za'ra mono zé, te wasu'u.

Apocalipsi 22:15

Ni'wam norĩ si 'ri nho'õmo u 're sisisi waihu'u mono õ di za, marĩ iwasété uptabi na 're idahâimana wasété uptabi za'ra mono norĩ hã, duré simi'â na 're idahâimana za'ra mono norĩ hã, duré dahâiba na 're idahâimana wasété za'ra mono norĩ hã, duré dapãrĩ'wa norĩ hã, duré romhâiba 'manharĩ ãma, 'Re ihâimana u'âsi mono upana 're idawata za'ra mono norĩ hã, duré sadawa nhipese ze te, uburé dama 're isadawa nhipese za'ra mono norĩ hã. Ta norĩ hã 're sisisi waihu'u mono õ di za, 'ri nho'õmo u hã.