Zenezi 39:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã tiwi sisawi wa, te ãne tãma tinha: — Ma, ĩwapari! Ĩnhib'ihâ'a aimro, uburé 'ri 're tinhimarĩ na 're hâtâ'â mono õ di oto, ãme wa hã 're ĩhâimana mono wa. Uburé marĩ te tãma 're a'madâ'â mono da hã ma tô ĩpisutu.

Zenezi 39:8 ပူးပေါင်းရင်းမြစ်များ

Zenezi 39:23

Tawamhã dazazé 'madâ'â'wa hâtâ'â waihu'u õ di, Zuzéhé ma, si'upana da'madâ'âzé hã te te sõmri wa. E marĩ wa. Uburé Danhib'apito isiré 're hâimana mono wa, duré iwẽ na te te 're ipawapto mono zarina, uburé marĩ hã te te dama 're ab'manharĩ wẽ mono wa, dazazéb 'remhã.

Zenezi 39:4

Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Provébiu 1:10

Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

Provébiu 2:10

Ãne wamhã, ai'rãi waihu'u wẽ na te za sena na 're aihâimana mo. Tawamhã te za asimiza'rese wẽ zém na hã aipẽ'ẽ 'remhã asima irowẽ waze.

Provébiu 22:14

Pi'õi wasété nhimirobzanhamrizé hã, ab're i'rehâ uptabi ne hã te 're hâimana. Taha 're, te ni'wam norĩ da, Uburé Danhib'apito, sada 're isiti'ru za'ra mono hã 're rere'e.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Provébiu 7:5

Ta norĩ hã te za pi'õ iwasété wi hã, duré imreme wazidi wi hã isiti ai'ãma 're pahâ, romhâ na.