Zenezi 39:7 - ꞌRe Ihâimana Uꞌâsi Mono Zadawa Wasuꞌu

⁷ Tahawa, nimahã na isib'ihâ'a Potifa mro, ma tô sima 'madâ'â zei upta, te te 'ruiwapari wa. Tahawa, te Zuzéhé ma tinha ãne: — Oto we aimorĩ, waptâ wa, waza'wari da.

Zenezi 39:7 ပူးပေါင်းရင်းမြစ်များ

Zenezi 6:2

ma tô 'Re ihâimana u'âsi mono 'ra norĩ, pi'õ wẽ uptabi na 're ihâimana za'ra mono na te te sima 're 'madâ'â ze za'ra. Tahawa ma tô duré te te sima 're iwẽ za'ra mono zéb zarina te te sima 're pisutu za'ra, ãma 're mro za'ra mono da.

Salmu 119:37

Ma'ãpé tarére marĩ 're ihâimana za'ra mono te 're a'madâ'â tõ mono da, ĩtõmo ré, 're ĩ'rã pizari mono. Iwẽ hã ĩma 're 'manharĩ u'âsi mono, iropisutuzéb zarina.

Provébiu 1:10

Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 2:16

Ãne wamhã, pi'õ iwasédé timreme nhipese na te te 're aipibui mono wamhã, te za asimirowaihu iwẽ hã te te 're aipawapto, imreme na ãma 're ai'uté mono da,

Provébiu 5:9

Ãnei õ wamhã, aiwasu'u wẽ zé hã te za isimini. Te za duré zahadu aihâiba téb ré atâ, aibâ, da'ãma isiwamri'õ nhib'ratamhã.

Provébiu 6:26

Pi'õ iwa'âbâ zô 're isisõmri mono wa'â hã, i'u'ẽtẽ wapu wẽ'ẽi wa'âbâ ne hã. Tazahã pi'õ mro ré nherẽ, aibâ te te âri wamhã, te za 'râwi tihâimanazé hã siwi uprosi.

Provébiu 7:13

Tawamhã pi'õ, aibâ tinho'utu te te oto âri wamhã, ma tô õne haré tob'rata hârâ. Tãma rowazéb ãna itõmo u te te 'madâ'â sina, te ãne tãma tinha:

Mateu 5:28

Ãne na roti hã tô sena nherẽ, wa za oto wa hã aimawi aima roti za'ra wa'wa, tô õhõ rotizém na hã. Ni'wam norĩ hã pi'õ, titõmo na te te 're 'madâ'â ze za'ra mono wa, te te 're waibui mono da, te te sima ãma 're rosa'rata za'ra mono wamhã, taha na zama te za tiwasédé hã te te 're 'manharĩ za'ra, tinhimirosa'rata na si nherẽ.

2 Pedru 2:14

Senai'õ na rowasu'u'wa norĩ hã te pi'õ iwasété norĩ zô te te 're rob'madâ'â u'âsi za'ra. Ta norĩ ma hã wẽ za'ra di, tiwasédé hã te te ãma 're i'manharĩ u'âsi za'ra mono zéb da hã. Hâimana nhipese na te ta norĩ hã 're nomro, da te ãma 're sasõmri za'ra mono da. Tawamhã ni'wam norĩ hã siptete sina Wanhib'apito ãma 're nomro mono õ wamhã, te za ta norĩ ãma te te 're sasõmri za'ra. Duré senai'õ na rowasu'u'wa norĩ hã te tinhimarĩ wẽ zô si, te te sima 're rob'ruiwapari u'âsi za'ra. Tahawa, ta norĩ hã tãma wẽ õ di, 'Re ihâimana u'âsi mono ma hã.