Zenezi 39:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa Potifa, Zuzéhé nhib'rata ma tô uburé tinhimarĩ te te tãma 're ab'madâ'â mono da hã tãma sa'ré za'ra. Ãhã wa, te hâtâ'â ãna sima iwẽ na 're hâimana. Duré ãhã wa, ma tô tisazéb zô si sima te te oto 're rosa'rata. Zuzé aibâ iwẽ na ihâiba, duré i'madâ'â ze na ihâiba.

Zenezi 39:6 ပူးပေါင်းရင်းမြစ်များ

Zenezi 29:17

Léia hã simirob'madâ'â warõire di. Raqueu si i'ubu wẽ, duré ihâiba wẽ.

Zenezi 39:23

Tawamhã dazazé 'madâ'â'wa hâtâ'â waihu'u õ di, Zuzéhé ma, si'upana da'madâ'âzé hã te te sõmri wa. E marĩ wa. Uburé Danhib'apito isiré 're hâimana mono wa, duré iwẽ na te te 're ipawapto mono zarina, uburé marĩ hã te te dama 're ab'manharĩ wẽ mono wa, dazazéb 'remhã.

Zenezi 39:4

Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Zenezi 39:8

Tawamhã tiwi sisawi wa, te ãne tãma tinha: — Ma, ĩwapari! Ĩnhib'ihâ'a aimro, uburé 'ri 're tinhimarĩ na 're hâtâ'â mono õ di oto, ãme wa hã 're ĩhâimana mono wa. Uburé marĩ te tãma 're a'madâ'â mono da hã ma tô ĩpisutu.

Zenezi 43:32

Tawamhã Zuzéhé ma, ma tô abzuma ĩsa hã tãma sãrĩ ni, danhiti wedeza tãma isabzéb ãma. Ma tô duré isisãnawã norĩ ma, ĩsa hã tãma sõré ni, wedeza aimawi tãma isab za'ra zéb ãma. Te duré wedeza aimawi hã za, ezipsiu norĩ tame dasiré isi'ubumro norĩ, ãma isaihurizéb da hã, ta norĩ hã Izaraéu nhihudu norĩ siré 're saihuri waihu'u mono õ wa, tãma za'ra hã iwẽ na 're hâimana mono õ wa.

Provébiu 31:11

Imro ma hã te umnhasi uptabi na 're hâimana. Duré niwamhã imro wi, marĩ iwẽ zô tiwi sô iro'wanhi'riti da hã mare di.

Luca 16:10

Te duré tãma nharĩ za'ra, ãne: — Ãté ni'wam norĩ hã te za danhibrob 'rare hã, dazô te te 're 'madâ'â wẽ za'ra. Tawamhã dama umnhasi wa, te za da te tãma 're pisutu za'ra, danhibrob ahâ na, te te dazô 're 'madâ'â za'ra mono da oto. Tane, danhibrob 'rare, dazô te te 're 'madâ'â wasété za'ra mono wamhã, te za da te 're waihu'u za'ra, isa'ẽtẽ na zama, za dawi 're isipsaihuri za'ra mono na.

Luca 19:17

— Tawamhã isib'apito te asa tãma tinha, ãne: “Wẽ di tô. A hã, romhuri wẽ 'wa. Marĩ hã 'rare nherẽ, ma tô ĩma 're i'manharĩ wẽ u'âsi mo. Ĩma ai'umnhasi di. Tahawa, wa za oto aipisutu, 're da'ab'madâ'â mono da. 'Ri ahâ, wa za aima pisutu za'ra, 10 na 'ri ihâiba za'ra hã tame 're da'ab'madâ'â mono da.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:20

Taha ré, ma tô Mozési hã podo, ai'utépré iwẽ uptabi hã. A'amo si'ubdatõ ma tô ãma ai'utõ, imama norĩ te te i'madâ'â zahuré zém na hã, 'ri para.

1 Samuéu 16:12

Tawamhã Zésé ma tô oto sô da'mazatõ. Ta hã ai'repudu iwẽ, ihâiba 'madâ'â ze, duré itõmo 'madâ'â ze. Tawamhã Uburé Danhib'apito te Samuéu ma tinha ãne: — Ĩhe ta hã. Ma'ãpé 'rãti'i.