Zenezi 39:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã ta hawimhã haré ma tô Zuzéhé hâiba u'âbâ, Uburé Danhib'apito ezipsiu nhorõwa 're, isimarĩ tãma 're hâimana wẽ za'ra mono da hã, duré isimizama zama rom na tãma 're simasa wẽ mono da hã, iwẽ na te te 're pawapto.

Zenezi 39:5 ပူးပေါင်းရင်းမြစ်များ

Zenezi 12:2

Tawamhã asihudu sidâpâsi ahâ uptabi na 're hâimana za'ra mono da hã, wa hã wa za pisutu, a'uwẽ misi ãma isitom na dama siptete na 're hâimana za'ra mono da. Duré iwẽ uptabi hã wa za te aima 're anhomri u'âsi. Duré uburé dama hã asisi wasu'u za'ẽtẽ di za. Tawamhã iwẽ hã te aima 're i'apisutu mono zéb u'âbâ, te za duré a hã iwẽ na hã 're ida'apawapto mo.

Zenezi 19:29

Ãne 'Re ihâimana u'âsi mono, romharé na 'ri nho'õmo norĩ ãma ma tô da'uprosi. Tane nherẽ, ma tô Abra'ã ãma hã po're puru. Tahawa Lo, 'ri nho'õmo 're, 're ihâimana mono zéb ãma te te da'uprosi wamhã, dazu dâ'â tõ da hã, ma tô tinhimihâzé wi hã waze.

Zenezi 30:27

Tawamhã Labã, ma te ãma sada'â ãne: — Ĩzawi na hã ma'ãpé ĩ'rata 're aihâimana u'âsi mono. E marĩ wa. Wa hã marĩ te i'manharĩ nhipese na, wa tô waihu'u, aihâiba u'âbâmhã Uburé Danhib'apito iwẽ na te te 're ĩpawapto mono zéb zarina hã.

Salmu 72:17

Apito nhisi na õne u'â ãma 're idasipo're pu'u za'ra mono da hã si, iwẽ hã. Duré bâdâ te te 're rowa'a mono ré, iwasu'u wẽ hã a'â 're ihâimana mono da si! Duré uburé daro mono bâ a'uwẽ norĩ, apito hâiba u'âbâ iwẽ na si 'Re ihâimana u'âsi mono te te dama 're i'apisutu mono da si. 'Re ihâimana u'âsi mono, apito ma, iwẽ hã te te tãma 're i'apisutu mono da si, te za duré da te 're waptẽrẽ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:24

Te ĩma tinha, ãne: “Paulu, aipahi tõ. Tô sena Roma ãma apito Sézaha nho're te za asa, asi'uihâ na tãma asiwasu'u da. 'Re ihâimana u'âsi mono hã aima isõprubzéb zarina ma tô pisutu, aihĩni asiré isi'aba'ré norĩ hã aiwi dâ'â za'ra tõ da.” Ãne ma tô ĩma tinha.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.