Zenezi 39:4 - ꞌRe Ihâimana Uꞌâsi Mono Zadawa Wasuꞌu

⁴ Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Zenezi 39:4 ပူးပေါင်းရင်းမြစ်များ

Zenezi 15:2

Tawamhã Abrã asa ma te ãma sada'â ãne: — Uburé Danhib'apito, ĩte 'Re ihâimana u'âsi mono! Ĩma hã marĩ dai õ di, iwẽ ĩma 're i'anhomri mono zé ĩ'ra ãna za 're ĩhâimana u'âsi mono da nherẽ. Eriézéhé si Damascu ãma, te za uburé ĩ'uirĩ na ĩnhibrob na hã ãma ate za'ra.

Zenezi 18:3

Tawamhã ma tô ãne tãma nharĩ za'ra: — Ĩnhib'apito norĩ, niha na asiwi ĩwẽsãmri aba wamhã, ma'ãpé wasitẽme wasihutu ãna wahâimana za'ra da hã, ĩnhorõwa ĩré asiwi sa'rei wa'aba õ di za.

Zenezi 19:19

Ma tô ĩ'ãma i'aiwamrizéb zarina ĩma i'manha. Ma tô ĩnho'reptu. Ã hawimhã ẽtẽ u ĩwara da hã ĩma romhâ uptabi di. Marĩ iwatobro, ĩwara ré te te ĩzasãmri wamhã, ĩsisõ'reptu dai õ di za, wa hã. Te za ĩwĩ.

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 32:5

Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 33:10

Tane nherẽ, te Zaco te te tãma i'ruzém na ãma tãma sahu ãne: — Wẽ'õ tõ! Sena ĩwẽsãmrizé aima hâimana wamhã, ma'ãpé tô aima ĩnhoprubzé hã waibui wẽ na. Wa hã we aimorĩ ré, te ai'ubu 'madâ'â wamhã, 'Re ihâimana u'âsi mono ubu te i'madâ'âzém ne ai'ubu hã, a hã ĩ'âri wẽ zarina.

Zenezi 33:8

Tawamhã taha pari te duré Ezau ãne sadanha: — E niha da hã bété, asimizama upsãtã pese na bâdâdi wamhã te isõpẽtẽ za'ra hã. Tawamhã Zaco ma te ãne asa tidub'rada hã ãma sada'â: — Taha u'âbâ ĩwẽsãmri da hã, wa tô we ĩsiwana hã satõrĩ za'ra.

Zenezi 39:8

Tawamhã tiwi sisawi wa, te ãne tãma tinha: — Ma, ĩwapari! Ĩnhib'ihâ'a aimro, uburé 'ri 're tinhimarĩ na 're hâtâ'â mono õ di oto, ãme wa hã 're ĩhâimana mono wa. Uburé marĩ te tãma 're a'madâ'â mono da hã ma tô ĩpisutu.

Provébiu 14:35

Apito ma romhuri'wa norĩ hã te za tinhimiromhuri na te te ãma tãma 're rowẽ zani za'ra. Tane nherẽ, siséb ãna te te 're iromhuri za'ra mono norĩ hã te za isimihâzé hã te te sisada 're sani za'ra.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 17:2

Pawa'âbâ ãna dama romhuri'wa i'rãiwaihu'u pe hã te za ti'madâ'â'wai 'ra hã sipa, tinhimiwada'uri na, timama ma, te te sina irowazém hiri hã. Taha zarina te za duré imama nhimarĩ zama isisãnawã norĩ siré sima 'mai'â, i'uirĩ na hã.

Provébiu 22:29

E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Provébiu 27:18

Ni'wa figuera wede te te 're 'madâ'â wẽ mono wamhã, te za i'rã hã te te 're 'masi. Duré ni'wa tinhib'ihâ'a te te 're 'madâ'â wẽ mono wamhã, te za isimi'madâ'â wẽ zé hã da te ãma 're wazéb za'ra.

Provébiu 3:4

Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:28

Tahawa, te za 're asi'madâ'â pese za'ra wa'aba mo, 're anomro wẽ wa'aba mono da. Duré isazei'wa norĩ hã te za 're i'madâ'â pese za'ra wa'aba mo, siré 're isi'rã'õtõ mono norĩ hã. 'Re ihâimana u'âsi mono pẽ'ẽzani hã ma tô sima aipisutu za'ra wa'wa, isazei'wa norĩ hã tãma 're 'madâ'â za'ra wa'aba mono da. Ti'ra wapru na ma tô isazei'wa norĩ hã wa'â, tite da. Tahawa, pone'ẽrebâ 'madâ'â'wa norĩ ne, te za 're ida'madâ'â pese za'ra wa'aba mo, 'Re ihâimana u'âsi mono nhib'a'uwẽ norĩ hã.

Ruti 2:6

Tawamhã ma tô tãma wasu'u: — Õ hã moabita norĩ nhipi'õ we imorĩ, Noẽmihi siré, Moabi hawi.

1 Samuéu 16:22

Tahawa, ma tô imama Zéséhé ma romreme tãma tisõ ãne: — Ĩma hã wẽ uptabi di, ai'ra Dawi hã. Tahawa, e we tãma waprosi õ di za, ãme 're hâimana mono da, ĩnhimiromhurizéb ãma.

1 Samuéu 2:26

Tawamhã 'watébrémi Samuéu hã simiza'rese si'réi mono sidâpâsi ma tô da te dasiwi 're wẽsãmri. Duré Uburé Danhib'apito zama ma tô te te 're wẽsãmri.