Zenezi 39:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã sadahutu ãna te bâtâ sidâpâsi nasi waptẽ, waptâ wa iré nomro da hã. Tane nherẽ, te Zuzé nasi tiwi sisawi, iré nomro tõ da. Duré 'râwi i'rata hâimana tõ da ma tô tiwi si'madâ'â pese.

Zenezi 39:10 ပူးပေါင်းရင်းမြစ်များ

Zenezi 39:11

Tawamhã Zuzé nimahã bâtâ na ma tô 'ri para u ãzé, tinhimiromhuri te te 'manharĩ da, 're izasi u'âsi mono zéb zarina. Romhuri'wa 'ri paramhã 'manhamra õ di.

Zenezi 39:8

Tawamhã tiwi sisawi wa, te ãne tãma tinha: — Ma, ĩwapari! Ĩnhib'ihâ'a aimro, uburé 'ri 're tinhimarĩ na 're hâtâ'â mono õ di oto, ãme wa hã 're ĩhâimana mono wa. Uburé marĩ te tãma 're a'madâ'â mono da hã ma tô ĩpisutu.

Zenezi 39:9

Ni'wa ã hã 'ri 'remhã ĩnhipai u hã hâimana õ di. Duré marĩ hã te te ĩwi pi'uri õ di. Aiwétési te ĩwi aihâiba zawi, a hã imro na wa. Ãne nherẽ, e niha wa za bété ĩwasédé hã 'Re ihâimana u'âsi mono wi 'manha.

Provébiu 1:15

Ĩ'ra, ã norĩ siré hã 're ane mono tõ. Romhâ na tãma 're asa'o hâ za'ra mono.

Provébiu 2:16

Ãne wamhã, pi'õ iwasédé timreme nhipese na te te 're aipibui mono wamhã, te za asimirowaihu iwẽ hã te te 're aipawapto, imreme na ãma 're ai'uté mono da,

Provébiu 22:14

Pi'õi wasété nhimirobzanhamrizé hã, ab're i'rehâ uptabi ne hã te 're hâimana. Taha 're, te ni'wam norĩ da, Uburé Danhib'apito, sada 're isiti'ru za'ra mono hã 're rere'e.

Provébiu 23:27

Pi'õ iwa'âbâ zô 're isisõmri za'ra mono hã duré pi'õ marĩ 'manharĩ wasété 'wa hã ab're i'rehâ uptabi ne.

Provébiu 23:28

Aiwa isimisaihuri, dazô sima'uri wa, simire sina 're isi'ubumroi mono ne, te ta norĩ hã aibâ zô te te 're rob'madâ'â za'ra, sima. Taha nhimi'manharĩ wasété u'âbâ, te za aibâ norĩ, timro ma tinhimiropisutuzé te te siwi ãma 're iwati'i za'ra mono norĩ hã sina 're hâ'â.

Provébiu 5:3

Pi'õ siwa'ru 're ihâimana mono zaihâ hã aiwa te ropĩni ise ne 're hâimana. Duré aiwa azeitona wa'u tom ne hã mreme hâ su'u na te 're hâimana.

Provébiu 5:8

Ãne na hã pi'õ 're ihâimana mono nhiti 're aihâimana mono. Isõrõwa 'ridawa u hã 'râwimhã 're aimasisi mono tõ!

Provébiu 7:13

Tawamhã pi'õ, aibâ tinho'utu te te oto âri wamhã, ma tô õne haré tob'rata hârâ. Tãma rowazéb ãna itõmo u te te 'madâ'â sina, te ãne tãma tinha:

Provébiu 7:5

Ta norĩ hã te za pi'õ iwasété wi hã, duré imreme wazidi wi hã isiti ai'ãma 're pahâ, romhâ na.

Provébiu 9:14

Ta hã tinhib'ridawa ãma, niha wamhã, duré 'ri nho'õmo ãma dasimasisizé i'rãihâ na 're simasisi mono ré,

Provébiu 9:16

“Asimirosa'rata prãire norĩ, we asisi aba!” Ãne te duré isimiza'rese'õ norĩ ma, te te 're anharĩ:

1 Corĩtu 15:33

Ãne wa, te za dawi 're asi'madâ'â pese za'ra wa'aba mo, danhimiroti wasédé hã tô sena newa, da'ãma 're sasõmri za'ra wa'aba mono tõ da. Taha na da'ãma 're sasõmri za'ra wa'aba mono wamhã, ta norĩ ne te za oto 're aihâimana wasété za'ra wa'aba mo.

1 Corĩtu 6:18

Tahawa, ma'ãpé, dahâiba na dawasédé, da te 're i'manharĩ za'ra mono wi, asina 're asiptete u'âsi za'ra wa'aba mono. Dawasédé aimawi hã da te 're 'manharĩ za'ra mono wamhã, ãma 're dasihâiba wasété za'ra mono õ di. Aibâ norĩ hã pi'õ na tiwasédé te te 're 'manharĩ za'ra mono wapsi, te za ãma 're sihâiba wasété za'ra. Duré, pi'õ norĩ hã aibâ na tiwasédé te te 're 'manharĩ za'ra mono wapsi, te za duré ta norĩ hã ãma 're sihâiba wasété za'ra aiwa.

1 Tesalonita 5:22

Uburé marĩ iwasédé hã te za asiwi 're iwẽ'õ pese za'ra wa'aba mo, iré 're anomro aba mono tõ da.

1 Timotiu 5:14

Tahawa, wa tô ĩsima wẽ za'ra, duré apâ timro na te te 're sahu za'ra mono da, pi'õi mrotõ hâiba tém norĩ hã. Te za duré apâ 're 'ra za'ra. Tawamhã tinhorõwa ãma te za ti'ra norĩ hã te te 're 'madâ'â pese za'ra. Ãne dama 're hâimana wẽ za'ra mono wamhã, damreme hã te te sina 're 'rã'õtõ za'ra mono õ di za, wazawi'õ'wa norĩ mreme hã.

2 Timotiu 2:22

Ãne wa, dahâiba téb ré, dawasété zô 're idasiwasutu za'ra mono norĩ ne, 're aihâimana mono õ di za. Te za asina 're irosa'rata u'âsi mo, aihâimana wẽ na 're aihâimana mono da, duré Wanhib'apito umnhasi sina 're aihâimana mono da zama, duré asimizawi pese na 're aihâimana mono da zama, duré rowẽ na si dasiré 're aihâimana mono da zama. Taha da, te za asina 're irosa'rata u'âsi mo, uburé Wanhib'apito zazei'wa norĩ me, hâimana wẽ sina, isimipawaptobzéb zô te te tiwi 're irowaptẽrẽ za'ra mono norĩ me.

1 Pedru 2:11

Ĩsisãnawã norĩ, ĩma asawi pese za'ra wa'aba norĩ hã, darom nhiti 're idahâimana za'ra mono ne, te 're aihâimana za'ra wa'aba mo, ti'ab ré. Tahawa, marĩ wasété na 'râwi asima 're rosa'rata za'ra wa'aba mono õ di za, asimirosa'rata wasété zarina 're 'manharĩ za'ra wa'aba mono tõ da, aiwasété 'wa hã.