Zenezi 38:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã Zuda, tinhimarĩ te te waihu'u zahuré wamhã, te ãne tinha: — Ĩnhipai u te i'uwaibaba na õ hã tihâiba. E marĩ wa. Wa hã wa tô tãma ropisutu aré, ĩ'ra Sela na mro da hã. Tane nherẽ, te tãma iropisutuzém na hã te ãma tãma uwaimrami õ di. Tawamhã Zuda, niwamhã te te oto upi wasété na hã sahu õ di.

Zenezi 38:26 ပူးပေါင်းရင်းမြစ်များ

Zenezi 37:33

Tawamhã Zaco ti'ra uzazém na te te tô hâi waihu'u wa, te ãne tãma nharĩ za'ra: — Ĩhe, tahata tô ĩ'ra uzazé ihâ pa na hã wa tô hâi waihu'u. Abaze zahi ma te tô sima te te nhinhinarĩ, te te 'rẽne da.

Zenezi 38:14

Tahawa Tama, imrotõ ãma 're isi'uza za'ra mono zé hã ma tô oto waze, aimawi na te te ãma saprĩ da. Ma tô duré zazahâ ihâi baihâire na si'ubu ubu, da te waihu'u tõ da. Taha pari te oto mo, Ena'ĩ na 'ri nho'õmo u 're idanhisisi mono zéb ãma sãmra da, Timnate u bâdâdi inomro uiwada. Ãne hã ma te tawamhã 'manha, Sela hã iprédub na te te 'madâ'â nherẽ, zahadu duré imama ãma imro da hã te te tãma sa'réi õ wa.

Zenezi 4:1

Tawamhã Adã, timro Ewaha ãma nasi sapa'a wamhã, ma tô tiwasã. I'ra duré oto tãma waptã'ã wamhã, te ãne tinha: — Uburé Danhib'apito nhimipawaptobzéb zarina, ma ĩ'ra aibâ na ĩma podo. Tawamhã ma tô sisi, Caĩ na.

Mateu 3:8

Sena na aiwasédé hã irẽme za'ra wa'aba zém na, da te 're aiwaihu'u za'ra wa'aba mono da, te za oto 're anomro wẽ wa'aba mo.

Zuwã 8:9

Tawamhã imreme te te wapari za'ra wamhã, dawana ihâiba prédub'rada, ma tô nasi uimrehẽne misi si wairé. Taha wamhã, Zezusi hã siwaprosi te oto za. Pi'õ si te oto za, Zezusihi nho're.

Roma 13:12

Robra isi'utõrĩzéb u hã romhuture di oto, ti'ai ãma ré dawasédé, da te 're i'manharĩ za'ra mono hã. Tâibâ za oto. Cristu hã we apâ morĩ wapsi, rowa'a si te za oto 're hâimana u'âsi, robra wa'rãmi. Tahawa, robra 'rowi dawasédé, da te 're i'manharĩ za'ra mono ne, 're wanomro mono õ di za oto. Wawasédé hã wa za oto wa te 're sahâri pese za'ra. Duré Zezusihi nhimirowa'a na si wa za 're wanomro, robra wi wanhiptete sina ãma 're iwahâimana za'ra mono zéb da hã, danhimnhi'ãsi na dawi 're idasisõpa za'ra mono ne.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

1 Samuéu 24:17

Tawamhã te duré tãma tinha ãne, Dawihi ma: — A hã i'uwaibaba na si te aihâimana mo. Ĩwétési wa tô ĩwasété na hã ĩhâimana. A hã ma tô iwẽ na si ĩma aihâimana mo, wa hã ĩwasédé te aima 'manharĩ mono ré hã.

1 Samuéu 24:18

à bâtâ na ma tô ĩma asihâimanazé hâi'ré, iwẽ ĩma i'manharĩzém na hã. E marĩ wa. Ĩwĩrĩ õ wa, Wanhib'apito hã te te aima ĩhâiba nhomri nherẽ, asib'rata.