Zenezi 38:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Zuda, tisani'wa te te 'madâ'â wamhã, ma tô pi'õ, iwa'âbâ zô 're isisõmri mono ãma rosa'rata, ubu ubu ré sãmra wa.

Zenezi 38:15 ပူးပေါင်းရင်းမြစ်များ

Zenezi 38:14

Tahawa Tama, imrotõ ãma 're isi'uza za'ra mono zé hã ma tô oto waze, aimawi na te te ãma saprĩ da. Ma tô duré zazahâ ihâi baihâire na si'ubu ubu, da te waihu'u tõ da. Taha pari te oto mo, Ena'ĩ na 'ri nho'õmo u 're idanhisisi mono zéb ãma sãmra da, Timnate u bâdâdi inomro uiwada. Ãne hã ma te tawamhã 'manha, Sela hã iprédub na te te 'madâ'â nherẽ, zahadu duré imama ãma imro da hã te te tãma sa'réi õ wa.

Zenezi 38:16

Tawamhã tisani'aba na hã te te waihu'u õ wa, ma tô bâdâdi zada'ré u hã itẽme mo, te te sima sadawa pibu da. Tawamhã te ãne tãma tinha: — We! We aimorĩ! Wa ĩsima wẽ, airé ĩnomro da. Tawamhã ma te isani'wa hã ãma tãma wa'rã ãne: — E niha te za tawamhã ĩma iwa'â.

Provébiu 7:10

Tawamhã pi'õ hã simirosa'rata nhipese na ma tô sô watobro, te te sõpẽtẽ da hã, pi'õ iwa'âbâ zô 're isisõmri mono, 're isi'uza za'ra mono zéb ré.

1 Corĩtu 6:16

Duré aibâ hã pi'õ iwa'âbâ zô 're isisõmri mono hâiba hã te te sina hâiba to wamhã, ihâiba hã misi ne oto, maparane ihâiba nherẽ. E ãne hã zahadu aima waihu'u za'ra wa'aba õ di bété. Duréihã 'Re ihâimana u'âsi mono zadawa 'mahârâ'wa, ma tô ãne na imreme na ãma rob'ui'éré, pi'õi wasu'u na hã: “Aibâ hã pi'õi me siré 're simi'wara mono wamhã, ihâiba hã misi ne oto, maparane ihâiba nherẽ. Misi tô oto ihâiba zahuré hã.”