Zenezi 37:34 - ꞌRe Ihâimana Uꞌâsi Mono Zadawa Wasuꞌu

³⁴ Tawamhã robzei'õ zé te, ma tô Zaco ti'uza hã hâiwazu. Taha pari ma tô da'uza ihâiro na si'uza. Tahawa, ma tô bâtâ ahâ na ti'ra zô hã aiwa'õ.

Zenezi 37:34 ပူးပေါင်းရင်းမြစ်များ

Zenezi 37:29

Tawamhã Rubẽ, â zô ab're u apâ wisi wamhã, ma tô ab're baba na Zuzéhé zô hã sabu. Tahawa ma tô ti'uza hâiwazu, robzei'õ zé te.

Zenezi 42:38

Tawamhã imama Zaco ma te asa ãma sada'â ãne: — Ĩ'ra, ãma aime za'ra wa'aba hã morĩ õ di za. Zuzé idub'rada hã ma tô dârâ. Tahawa Bẽzamihĩ si te oto ĩ'ratamhã 're sãmra. Duré ai'aba'réi aba ré, marĩ sô watobro wamhã, te za ĩsi'ihi wa, ĩpẽ'ẽzé zarina tô oto ĩdâ'âzé hã ĩzô iwazere za'ra wa'wa.

Zenezi 44:13

Tahawa ma tô isisãnawã norĩ ti'uza 'râwi siwi hâiwazu za'ra, tiwi robzei'õ za'ra wa. Taha pari ma tô marĩ te te i'wasari hã awaru po're pore ba nhisiwi apâ sima sa'ra za'ra, 'ri nho'õmo u tino siré te te apâ sina siri za'ra da.

Neemia 9:1

Tawamhã a'amo 24 bâtâ ãma ma tô Izaraéu nhihudu norĩ hã si'rã'õtõ, sai ãna a'â hâimana za'ra da. Tahawa, ma tô duré sa'u ihâiro na si'uza za'ra. Ma tô duré ti'a na hã si'rã zazub za'ra.

Salmu 69:11

'Re da'ru'ru mono wa, da'uza ihâi wasédé te ĩsima 're zai mono sidâpâsi, te ĩ'ãma 're dato za'ra.

Zuéu 2:13

Aiwasété na i'asiwẽ'õ za'ra wa'aba zéb zarina, ai'uza ihâiwazu za'ra wa'aba da hã mare di. Aihâiba uptabi si te za aipẽ'ẽ 're 'râwi i'madâ'â za'ra wa'wa.” Apâ aipizari za'ra wa'aba, Uburé Danhib'apito wate 'Re ihâimana u'âsi mono tẽme, ta hã simipawapto pese wa, duré da'ãma 're siwamri pese mono wa. Ta hã da'ãma wa'a su'u õ di. Tinhimizawizé hã te sa'ẽtẽ na te te dama 're ahâi'ré. Tãma wẽ di, tinhimirosa'rata na te te ãma 're isaprĩ mono da hã, te te dama 're arob'manharĩ mono tõ da.

Mateu 11:21

Ãne te 'ri wa'õtõ ãma ma tinha Zezusi hã, 'ri wa'õtõ 're, 're idahâimana za'ra mono norĩ ma: — Corazĩ na 'ri wa'õtõ nhisi ãma 're aihâimana za'ra wa'aba mono norĩ ma, aima 're ropipa uptabi za'ra wa'aba mono di za, duré Besada na 'ri wa'õtõ nhisi ãma 're aihâimana za'ra wa'aba mono norĩ ma zama. Marĩ dama i'manharĩ waihu'u'õ hã asõ'a za'ra wa'aba, te 're i'ab'manharĩ wẽ mono ne, Tiru ãma 'ri nho'õmo ãma, duré Sidõ ãma 'ri nho'õmo ãma 're idahâimana za'ra mono norĩ nho'a, te dama 're ab'manharĩ mono 'wa'âhã, duréi te aré ta norĩ hã 're sipizari za'ra, tiwasété wi. Tiwasété wi 're isipizari za'ra mono zém na, da te 're waihu'u za'ra mono da, te aré 'ru'a hã ti'rã nhisiwi te te 're sa'wari za'ra. Te duré aré sa'u ihâiro na 're si'uza za'ra.

Mateu 26:65

Tawamhã sasedoti ipire uptabi hã, Zezusihi mreme te te ãne wapari wamhã, ma tô ti'uza hã hâiwazu, te te wẽ'õ wa, duré tipẽ'ẽ na hã sada sahi wa. Tawamhã isi'rã'õtõ norĩ ma, te oto tinha, ãne: — Tâibâ oto. Aibâ aimawi norĩ zô, ai'maihârâ aba õ di za, Zezusi te te wama iwasu'u za'ra da hã, iwasété na. 'Re ihâimana u'âsi mono newa, si'uihâ na ma tô tiwaihu'u pe hã sina tihi, wasine 're hâimana mono nherẽ. Si'uihâ na ma tô timreme wasété. Imreme ma tô iwapari za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:14

Tawamhã te te i'manharĩ wasu'u Paulu norĩ hã te te wapari zahuré wamhã, wara sina ma tô dawa'wa u tizasi waré zahuré. Taha wamhã, ti'uza hã ma tô hâiwazu zahuré, tinho'utu nho'õmoi baba, rob'ru te. Te te hâiwazu zahuré sina, ma tô hârâ 'rãihâ na da'mahârâ zahuré, ãne:

Zozué 7:6

Tawamhã Zozué, ti'uza ma tô hâiwazu, robzei'õ zé te. Ti'ai u, ma tô duré sime. Ti'ubu na ma te ti'ai u ropto, Uburé Danhib'apito nhimiroti ré wedehâ're 'manharĩ nho're. Tawamhã tô õne Zozuéhé siré ma tô Izaraéu nhihudu norĩ ma i'rãnho'õmo norĩ hã siwi 'manha. Tahawa ma tô hâiwahâ u ime tihâimana za'ra. Duré isine ma tô siwi 'manha: Ti'a na ma tô si'rãzazub za'ra, robzei'õ na tihâimana za'ra zém na siwasu'u za'ra da.

Apocalipsi 11:3

Taha ré, wa za ĩzadawa wasu'u'wa norĩ hã satõrĩ zahuré, tô 1.260 na bâdâ isi'utõrĩzéb u simi'ẽ na te te ĩzadawa wasu'u zahuré mono da. Tawamhã pone'ẽrebâ zéré 'manharĩ na uza wasété ré, te za tineb zahuré, pẽ'ẽzé uptabi zahuré wa, da te dasiwi 're ĩwẽ'õ pese za'ra mono wa.

Zuize 11:35

Tawamhã Zépté ti'ra te te 'madâ'â wa, isabâdâ tiwi robzei'õ pese wa, ma tô ti'uza te te hâiwazui mono sina duré sadari sina tinha ãne: — E niha ĩ'ra! Ĩma ropire uptabi di ãhã na hã, aihâiba u'âbâmhã. E marĩ wa. Wa hã wa tô Uburé Danhib'apito ma ropisudu ipire hã 'manha. Tahawa te ãma sipai waihu'u õ di, te tãma iropisutuzém na hã.