Zenezi 37:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã isisãnawã norĩ, pone'ẽrebâ zéré uzé si'aibâ ma tô siwi 'maiwĩ. Te te siwi 'maiwĩrĩ wamhã, taha wapru na ma tô Zuzéhé uzazé ihâ pa hã ãma siwi hâzapré.

Zenezi 37:31 ပူးပေါင်းရင်းမြစ်များ

Zenezi 37:23

Tawamhã tisisãnawã norĩ u, oto Zuzé wisi wamhã, ma tô i'uza ihâpa ipano pa na ãma isi'uzazé te te tiwi hâiwazu za'ra sina tiwi wazere za'ra.

Zenezi 37:3

Zaco hã hâiba prédum nherẽ, ma tô Zuzé hã podo. Tahawa uburé ti'ra norĩ nhipai u ma tô te te 're sawi pese. Te te 're sawi pese mono wa, ma tô i'uzazé ihâpa ipano pa na hã sada 'ma'manha.

Zenezi 37:32

Taha pari timama u i'uza ihâ pa te te siwi âri wamhã, ma tô ãne tãma wasu'u za'ra: — Wa tô wasiwi sãmri ni, ã hã. Ma'ãpé 'madâ'â, ai'ra uza na hã pé hâi waihu'u da.

Zenezi 44:28

Misi ma tô siparamhã ĩrẽ. Niwamhã ĩtõmo na te oto 'madâ'â na sitéb õ di. Ãté tô abaze zahi ma tô siwi tenhiwazu.

Zenezi 45:26

Tawamhã te ãne tãma rowasu'u za'ra: — Zuzé hã te zahadu hâiba ré 're hâimana! Ta hã Ezitu ãma te dama i'rãnho'õmo na te te 're da'a'madâ'â. Tawamhã ãne na te te tãma wasu'u za'ra wamhã, ma tô aré Zaco hã simiza'rese'õ hai'utõ. Iwasu'u na te te duré ãma saze waihu'u za'ra õ di.

Provébiu 28:13

Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.