Zenezi 37:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã Zuda te tisisãnawã norĩ ma nharĩ za'ra ãne: — E niha marĩ iwẽ wama watobro za'ra da bâ, wano wa te wasiwi wĩrĩ wamhã, duré taha pari wa te wasiwi iwapru pu'u zé wa te wasiwi simi'uri wamhã dawi.

Zenezi 37:26 ပူးပေါင်းရင်းမြစ်များ

Zenezi 25:32

Tawamhã Ezau te duré asa tãma tinha ãne: — Marĩ õre di, wẽ di. Wa aré oto dârâ. E marĩ da bâ ĩma hã, dama ipoto'rata ma, 're ihâimana mono hã.

Zenezi 37:20

Oto wa te wasiwi wĩrĩ aba. Taha parimhã ihâiba, â zô ab're i'ré 're, wa za wasiwi me ni. Duré abaze zahi te te i'rẽne na wa za wamama ma hã wasiwi wasu'u ni. E ãne wamhã, tinhimirosawẽrẽ na te te ãma wama uwaimrami za'ra da bâ.

Zenezi 4:10

Tawamhã 'Re ihâimana u'âsi mono te ãne tãma tinha: — E marĩ da, ma tô ãne hã i'manha. Asisãnawãi wapru te ti'ai hawimhã 're sadari. Te duré waptẽ, ti'ruiwa'âbâzé hã.

Zenezi 4:9

Tawamhã Uburé Danhib'apito, nimahã na te Caĩ hã sadanha ãne: — E mahãta asisãnawã Abéu. — Me! Wa hã te waihu'u õ di. E wa hã ĩsisãnawã 'madâ'â'wa pâ. — Ãne Caĩ ma te asa ãma sada'â.

Zenezi 40:15

Sena ĩzada iropsisapẽtẽ hawimhã ma tô hebreu norĩ nhipti'ai hawimhã dasiwi ĩwazere ni, Ezitu u we da te dasiwi ĩzaprõni da hã. Duré ãme Ezitu 'remhã marĩ te 'manharĩ õ nherẽ, ma tô dazazéb u hã we ĩnherẽ ni, ĩzab da.

Zenezi 42:21

Tahawa te ãne sima nharĩ za'ra: — Sena na wa oto robzépata za'ra ni, wanoi ma, wa te tãma irob'manharĩ za'ra zarina. Ta hã te te robzépata wa, wapo're na'rata te te sina wawi rowaptẽrẽ za'ra nherẽ, wa te wasiwi wapari õ di. Tahawa awa'awi na wa oto robzépata za'ra ni.

Zenezi 50:20

Sena na ma tô aré tô iwasété na ĩ'ãma asima irowa'õtõ za'ra wa'wa. Tane nherẽ, 'Re ihâimana u'âsi mono, ĩzada aihâimana wasété za'ra wa'aba hawimhã, ma tô iwẽ u ĩma ãma aiwi saprĩ za'ra wa'wa, ãhã na da'ahâ uptabi na te 're ida'anho'reptui mono zé ma ropibu ma.

Mateu 16:26

Ãté ni'wa hã te za tinhibro hã te te sima 're a'ubumroi pese, sibrob ahâ uptabi da. Tawamhã te za oto dârâ. Ti'ab ré, sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. Ti'ai ãma, simarĩ ahâ uptabi nherẽ, tãma hã waihu'u õ di za, tinhimarĩ na rowẽ ãma 're ihâimana mono zé te te ãma sima iwa'âbâzéb da hã.

Roma 6:21

Aiwasété na si 're aihâimana za'ra wa'aba mono ré, e marĩ ma tô aima 're hâimana za'ra wa'wa, 're i'manharĩ za'ra wa'aba mono zé wa'rãmimhã, ãma aima 're irowẽ za'ra wa'aba mono zéb da hã. Robaba di. Taha na asimi'manharĩ wasété za'ra wa'aba zém na ãma 're aséb za'ra wa'aba mono di oto. Ãne si, da te 're 'manharĩ u'âsi za'ra mono wamhã, dapẽ'ẽ 're, dadâ'â u'âsi ne, te za tô 're dahâimana za'ra.