Zenezi 37:25 - ꞌRe Ihâimana Uꞌâsi Mono Zadawa Wasuꞌu

²⁵ Taha pari ma tô saihuri da hã asimro. Taha ré, saihuri sina ma tô romhâ ré sãmri za'ra, Ismaeu nhihudu norĩ, Ziliadi hawi we isi'aba'ré hã awaru ba'õmore na dasisadazezém na 're idasi'ma'wamarĩ za'ra mono zé, duré dasai warĩrĩzé Ezitu u te te i'wasari hã.

Zenezi 37:25 ပူးပေါင်းရင်းမြစ်များ

Zenezi 31:21

uburé tinhimarĩ ré pi'uriwimhã tiwi aimani, si'aba'ré na. Tawamhã Eufrati â na te te saprĩ wamhã, ma tô Ziliadi ti'ai 're ẽtẽ nho'õmoi baba mo.

Zenezi 31:23

Tahawa ma tô aibâ isiwapru norĩ, isiré 're ihâimana za'ra mono hã sima 'rã'õtõ. Te te 'rã'õtõ wamhã ma tô Zacoho zarina ai'aba'ré. Tahawa, 7 na bâdâ ãma si'utõrĩ pari, ma tô Labã norĩ, Zaco hã siwi sasĩ, Ziliadi na romnhisi ãma ẽne ihâimana za'ra ãma.

Zenezi 37:24

Taha pari te te oto siwi âri wamhã, ma tô â zô ab're i'ré 're siwi time, taha 're sab da.

Zenezi 37:28

Tawamhã Midiã hawi Ismaeu nhihudu norĩ rowede'wa iwa'waibaba za'ra te te ro'rahâri za'ra wamhã, ma tô Zuzé isisãnawã norĩ hã â zô ab're hawimhã oto siwi waze. Te te siwi wazere wi, ma tô Ismaeu nhihudu norĩ ma siwi wede, ẽtẽ waipo prã prata 20 na isapotore na. Tawamhã Ezitu u, te oto Zuzé hã siwi saprõ.

Zenezi 37:36

Taha ré ma tô midiãnita norĩ hã, Zuzé, Ezitu ãma apito 'madâ'â'wa norĩ nhib'ihâ'a Potifaha ma hã siwi wede.

Zenezi 39:1

Tawamhã Zuzé, Ezitu u ma tô dasiwi saprõni ni. Tame ezipsiu Potifa na isisi, Ezitu ãma apito 'madâ'â'wa norĩ nhib'ihâ'a hã ma tô Zuzé uipra, Ismaeu nhihudu norĩ wi.

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Salmu 14:4

Tahawa, te Uburé Danhib'apito sima tinha ãne: “E niha ã hã a'uwẽ norĩ, uburé simiza'rese za'ra õ di. Ĩnhib'a'uwẽ nhimarĩ zô, te hâimana nhipese sina te te sima 're 'wani za'ra mono da si, 're hâimana za'ra. Ĩma hã 're mreme zusi mono õ di duré.”

Provébiu 30:20

Damro aibâ na 're isimisaihuri mono zé hã ãne: Ta hã tihâimanazém na te te upai wa, si'upsõi pari, te za ãne tinha: “Tiha na hã te upai õ di!”