Zenezi 37:20 - ꞌRe Ihâimana Uꞌâsi Mono Zadawa Wasuꞌu

²⁰ Oto wa te wasiwi wĩrĩ aba. Taha parimhã ihâiba, â zô ab're i'ré 're, wa za wasiwi me ni. Duré abaze zahi te te i'rẽne na wa za wamama ma hã wasiwi wasu'u ni. E ãne wamhã, tinhimirosawẽrẽ na te te ãma wama uwaimrami za'ra da bâ.

Zenezi 37:20 ပူးပေါင်းရင်းမြစ်များ

Zenezi 37:19

Tahawa te ãne sima 'mahârâ za'ra: — Õhõta te wei mo, rosawẽrẽ pese 'wa hã.

Zenezi 37:26

Tawamhã Zuda te tisisãnawã norĩ ma nharĩ za'ra ãne: — E niha marĩ iwẽ wama watobro za'ra da bâ, wano wa te wasiwi wĩrĩ wamhã, duré taha pari wa te wasiwi iwapru pu'u zé wa te wasiwi simi'uri wamhã dawi.

Zenezi 37:32

Taha pari timama u i'uza ihâ pa te te siwi âri wamhã, ma tô ãne tãma wasu'u za'ra: — Wa tô wasiwi sãmri ni, ã hã. Ma'ãpé 'madâ'â, ai'ra uza na hã pé hâi waihu'u da.

Zenezi 37:33

Tawamhã Zaco ti'ra uzazém na te te tô hâi waihu'u wa, te ãne tãma nharĩ za'ra: — Ĩhe, tahata tô ĩ'ra uzazé ihâ pa na hã wa tô hâi waihu'u. Abaze zahi ma te tô sima te te nhinhinarĩ, te te 'rẽne da.

Zenezi 45:3

Tawamhã Zuzé, te ãne tisisãnawã norĩ ma oto tãma siwasu'u za'ra: — Wa hã Zuzé. E ĩmama te zahadu hâiba ré 're hâimana. Tawamhã ãne na isisãnawã norĩ, imreme te te wapari za'ra wamhã, ma tô tãma a'rãmi za'ra. Tahawa niha na timreme na te te ãma tãma wa'rãmi waihu'u za'ra õ di.

Provébiu 1:10

Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 1:16

Waptu na te te sima 're rosa'rata za'ra, marĩ te te 're 'manharĩ za'ra mono da hã. Te te duré 're danhimroi mono da hã simire sina te õne u'â dazada 're hâimana siromo za'ra.

Provébiu 10:18

Ni'wa hã 're isiti'rui mono zé te te dawi 're udâ mono wamhã, isadawa nhipese na isimirobzanhamrizé, te wasu'u. Duré ni'wa hã dabâsi na te te ãma 're iropéi mono hã, te simiza'rese'õ na si 're hâimana.

Provébiu 27:4

Danhiti'ru hã, da'ãma dasiba'õzé, te 're hâimana. Dahâimana wẽ uprosi'wa, te duré 're hâimana. Tane nherẽ, marĩ na da te 're ida'ruiwapari za'ra mono zé hã wasété uptabi di, isipai u.

Provébiu 28:13

Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

Zuwã 3:12

Ti'ai ãma romhâimanazé hã, wa tô aima wasu'u za'ra wa'wa. Tane nherẽ, te aima wasu'u za'ra wa'aba nherẽ, ãma ĩzaze za'ra wa'aba õ di. E niha te za tawamhã hâiwa ãma da te 're iwaihu'u za'ra mono zéb da hã te aima wasu'u za'ra wa'aba wamhã, ãma ĩzaze za'ra wa'wa. Ãté ãma ĩzaze za'ra wa'aba õ di za.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.

1 Samuéu 24:20

Tahawa, ãhã na hã tô sena wa tô waihu'u, za asi'apito da, Izaraéu nhihudu norĩ ma hã, duré za asiptete na i'rãnho'õmo na 're aihâimana mono ré 're ida'a'madâ'â mono na hã.

1 Samuéu 26:2

Tawamhã ãne te te tãma rowasu'u za'ra wi, ma tô Sau hã awa'awi mo, Zipe na rop si 're irosa'wari mono nhisi u. Dasi'wapéi 'manharĩ'wa norĩ iwẽ uptabi hã 3 miu na ihâiba na ma tô te te simro siré, sô sõpré mono da, Dawihi zô.