Zenezi 37:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zuzé ma tô romhâ ré siwi tisã. Tahawa, 'râwi itẽme wisi za'ra õ ré, ma tô te te sima ãma irowairébé za'ra da hã rosa'rada siwi 'manha, te te siwi wĩrĩ da.

Zenezi 37:18 ပူးပေါင်းရင်းမြစ်များ

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 37:19

Tahawa te ãne sima 'mahârâ za'ra: — Õhõta te wei mo, rosawẽrẽ pese 'wa hã.

Zenezi 50:15

Tawamhã imama tiwi si'ré za'ra parimhã, ma tô Zuzéhé sisãnawã norĩ ãne sima ãma romnomri za'ra, tinoi hâiba na: — Ãté Zuzé te za oto wazada tinhiti'ru za'ra. Ãté te za duré si'ruiwa'â, iwasédé wa te tãma i'manharĩ za'ra wa'rãmimhã.

Zenezi 50:20

Sena na ma tô aré tô iwasété na ĩ'ãma asima irowa'õtõ za'ra wa'wa. Tane nherẽ, 'Re ihâimana u'âsi mono, ĩzada aihâimana wasété za'ra wa'aba hawimhã, ma tô iwẽ u ĩma ãma aiwi saprĩ za'ra wa'wa, ãhã na da'ahâ uptabi na te 're ida'anho'reptui mono zé ma ropibu ma.

Salmu 94:21

Sena na 're ihâimana za'ra mono norĩ zada, te ta norĩ hã tinhimirowa'õno te te sima 're 'manharĩ za'ra. Te duré iharé na si 're ihâimana za'ra mono norĩ ma, te te tãma 're rowairébé za'ra, 're dâ'â za'ra mono da hã, ibâi õ nherẽ.

Mateu 21:38

Tawamhã wisi wamhã, buru 'madâ'â'wa norĩ hã te te duré sima sãmri za'ra wamhã, te ãne sima 'mahârâ za'ra: “Õhõta buru tede'wai 'ra hã te wei mo, timama uirĩ na buru tede'wa da hã. Wa te wasiwi wĩrĩ aba, buru hã wate za'ra da.” Ãne ma tô sima 'mahârâ za'ra, buru 'madâ'â'wa norĩ hã.

Mateu 27:1

Tawamhã mararé ma uburé sasedoti ipire norĩ hã, duré zudeu norĩ ma roti'wa norĩ hã si'rã'õtõ, te te sima ãma roti za'ra da, Zezusihi ãma, te te dama sõmri za'ra da, da te dasiwi wĩrĩ da. Taha da, te roti hã sima 'manharĩ za'ra, Zezusihi hâiba na.

Marcu 12:7

Tane nherẽ, buru na romhuri'wa norĩ u wisi wamhã, te ãne sima 'mahârâ za'ra: “Õhõta buru tede'wai 'ra hã te wei mo, timama uirĩ na buru tede'wa na 're ihâimana mono da hã. Wa te wasiwi wĩrĩ aba, buru hã wate za'ra da.” Ãne ma tô sima 'mahârâ za'ra, buru na romhuri'wa norĩ hã.

Marcu 14:1

Maparane te oto sô rowaptâ bâtâ zô hã, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Tawapsi dasi'rã'õtõ ré, te za romhuri na i'u'ẽtẽ duptoi'õ hã huri ni. Tawamhã bâdâ iwa waptã'ã õ ré, te sasedoti ipire norĩ hã rowahutu'wa norĩ me, sima ãma rosa'rata za'ra, Zezusi hã pi'uriwi te te siwi âri da, da te dasiwi wĩrĩ da.

Zuwã 11:53

Tawamhã Caifasihi nhimiroti hawi te te sima ãma sé za'ra oto, te te siwi wĩrĩ da, dama ipire norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:12

Tawamhã awẽm na rowa'a wi, zudeu norĩ hã ma tô pi'uriwi si'rã'õtõ. Te sima 'ru za'ra, Paulu hã te te siwi wĩrĩ da. Ãne te tawamhã sima ãma roti za'ra: — Paulu hã wa te wasiwi wĩrĩ aba. Tawamhã 'Re ihâimana u'âsi mono ma, wa za wasi'ru za'ra ni, wa te wasiwi wĩrĩ õ wamhã, te te wa'uprosi da, wa te wasima i'ruzé hã wa te ãma uwaimrami za'ra õ wamhã. Wa te wasima i'ruzé hã wa te ãma uwaimrami za'ra õ ré, wasaihuri õ di za. Duré wa te âhuri õ di za.

1 Samuéu 19:1

Tawamhã Sau ma tô ti'ra Zonataha ma wasu'u, uburé tãma romhuri'wa norĩ ma zama, Dawi te te wĩrĩ da, te te sima irosa'ratazém na hã. Tane nherẽ, Dawi hã Zonataha siwaihu'u uptabi na te tãma tihâiba.