Zenezi 37:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Zaco te duré tãma tinha ãne: — Te za aimo, asisãnawã norĩ rowẽ zô, duré pone'ẽrebâ norĩ rowẽ na simasab zô sabu za'ra da, iwasu'u za'ra we ĩma âri da. Tawamhã ta hawi Hebrõ na romharé nhisi hawi ma tô Zaco ti'ra Zuzé hã satõ, Siquẽ u morĩ da. Tahawa Zuzé ma tô oto mo. Tawamhã tamomo oto wisi wamhã,

Zenezi 37:14 ပူးပေါင်းရင်းမြစ်များ

Zenezi 13:18

Tawamhã ãne te te tãma waihu'u wa, Abrã te te sima i'ri nhoré mono zé hã ma tô te te awasihu, te te aza'ré da 'ri hã, rowede iwazéb zahi, Mare na isisi 'rata 're hâimana mono da oto, 'ri nho'u Hebrõ na isisi 'rata 're isa mono ãma. Tame ma tô Abrã, Uburé Danhib'apito ma, ẽtẽ za'ra hã 'manha, ãma iwatazéb da hã.

Zenezi 23:19

Taha pari Abra'ã, ma tô timro Saraha ãma hã oto ti'a, ẽtẽ na ab're siro ti'ai wa'õno Maquipela wa ihâimana ãma, Mare bâtâ pusizém niwĩmhã, Hebrõ na isisi amoi ãma, Cana'ã ti'ai 'remhã.

Zenezi 23:2

Tawamhã 'ri nho'u Hebrõ na isisi, Quiriate-Arba na isisi amoi ãma ma tô oto dârâ, Cana'ã ti'ai ãma. Si'utõrĩ wamhã, ma tô Abra'ã hã ãma aiwa'õ, pẽ'ẽzé uptabi wa.

Zenezi 29:6

Te duré tawamhã ihâiba na, Zaco ãma sadanharĩ za'ra ãne: — E rowẽ na te 're hâimana. — Ĩhe, rowẽ na te 're hâimana. Õhõta i'ra Raqueu te we pone'ẽrebâ hã te te simro.

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.

Zenezi 37:15

ma tô taha rom na hã sô 're rĩtĩ za'ra, tidub'rata norĩ zô hã. Tahawa ãne ré aibâ ma tô 'madâ. Te te 'madâ'â wamhã, ma tô sadanha ãne: — E marĩ zô, te 're airĩtĩ mo.

Zenezi 41:16

Tawamhã Zuzé ma te asa ãma tãma wa'rã, ãne: — Ta hã, ĩsi'uihâ na hãi õ di. 'Re ihâimana u'âsi mono si, te za irosawẽrẽzém na hã ãma asada'â, marĩ hã za ihâimanazé romnhowam na ãma iwaihu'u wẽ zéb da hã.

Zenezi 43:27

Tawamhã tisisãnawã norĩ rowẽ zô te te sadanharĩ za'ra pari, te ãne duré sadanharĩ za'ra: — E aimama 'wa hã rowẽ na te 're sãmra, ã ĩma iwasu'u za'ra wa'wa ihi hã. E zahadu te hâiba ré 're hâimana.

Luca 19:42

Tahawa, te ãne tinha: — Ãhã na dama 're irowẽ za'ra mono zé hã dama waihu'u za'ra 'wa'âhã, aré dama 're rowẽ za'ra mono di. Tane nherẽ, dama waihu'u za'ra õ di. Tahawa, da'ãma ĩpẽ'ẽzé di.

Zuize 1:10

Tawamhã 'rinho'u Hebrõ na isisi, aré imorĩ'rada Quiriate-Arba na isisi ãma 're ihâimana za'ra mono norĩ zama, ma tô siwi wano'õ, cananeu norĩ hã. Tahawa, Anaquihi 'ra norĩ ãma, Sesai ãma hã, Aima ãma hã, duré Tauma'i ãma hã ma tô ãma ai'uté za'ra.

1 Samuéu 17:22

Tawamhã Dawi marĩ te te iduri hã ma tô tirẽ, rob'madâ'â'wai ma. Tahawa, ma tô sisõré pese na sisada isimasabzéb u hã wara sina wara. Tawamhã tisisãnawã norĩ tẽmemhã ma tô rosahutu oto. Tawamhã wisi wi, ma tô sadanharĩ za'ra, rowẽ zô hã.