Zenezi 36:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Ezau, timro norĩ ré, ti'ra si'aibâ norĩ ré, ti'ra sipi'õ norĩ ré, duré uburé isõrõwa 're isiré 're idahâimana za'ra mono norĩ ré, ma tô rob amoi u hã mo, tino Zacoho nhiti romhâ na 're hâimana mono da. Tahawa, ma tô uburé pone'ẽrebâire norĩ hã, pone'ẽrebâ zéré uzé norĩ, duré uburé powawẽ norĩ hã siré te te simro. Duré ti'ai wa'õtõ nho'u Cana'ã ãma uburé marĩ te te sima 're i'azani mono zama ma tô siré tidu.

Zenezi 36:6 ပူးပေါင်းရင်းမြစ်များ

Zenezi 12:5

Tawamhã timro te siré saprõ, Sara'i hã. Tizamarĩ'wai 'ra, ti'ra wapté te duré siré saprõ, Lo hã. Duré uburé Harã ãma isimarĩ tãma 're ihâimana mono norĩ hã, te siré tidu. Duré uburé pawa'âbâ ãna tãma iromhuri'wa norĩ zama hã te duré siré te te simro. Tawamhã oto Cana'ã u sihutu wamhã,

Zenezi 13:11

Tawamhã Lo, Zodã na romharé nhisi ãma uburé ti'a 're ihâimana mono hã te te sima pisutu wa, ma tô bâtâ pusizém niwĩmhã oto mo. Ãne ma tô oto tahawa, sima aiwãnhizari zahuré.

Zenezi 13:6

Tane nherẽ, siré 're ihâimana zahuré mono da hã waihu'u õ di, isimizama zahuré sazéb da du ihâimana hã, sadai õ wa. E marĩ wa. Simizama ahâ uptabi zahuré wa.

Zenezi 17:8

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Zenezi 25:23

Tawamhã ma te ãma sada'â ãne: “Adi'i 'remhã te maparane a'uwẽ hi'rata da hã tihâimana zahuré. Ai'ra te za aima tipoto zahuré, maparane a'uwẽ norĩ, tinhitob'ru na sima 're ihâimana zahuré mono da hã. Ai'ra hâiba amo hã te za siptete na tihâiba amo nhipai u 're hâimana. Duré dadub'rada hã te za tino zapari 're hâimana.”

Zenezi 28:4

Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.

Zenezi 32:3

Tawamhã Zaco, tite romreme 'wapéi'wa norĩ, ma tô satõrĩ za'ra Se'i na rowamri u, Edõ na rowamri amo hã Ezau te te siwi sõpẽtẽ da, iwana.

Zenezi 36:5

Oolibama hã, Ze'usihi na, duré Zalãhã na, duré Coraha na. Ã norĩ hã Ezauhu 'ra, Cana'ã ãma 're hâimana mono ré ipoto za'ra.

Apocalipsi 18:13

Ãne duré, rowede'wa norĩ wi, aré da te 're i'uipra za'ra mono hã; wedewa'u zadaze upsãtã mono bâ, dasai warĩrĩzéb da hã, duré 'ri 're zadazezéb da hã, duré dasihâiba'u'rézéb da hã, wedewa'u zadaze iwa'âbâ za'ẽtẽ mono hã. Ã hã rowede'wa norĩ wi, aré da te 're i'uipra za'ra mono hã; uwa 'rãi wa'u isé hã, duré azeitona 'rãi wa'ui wa hã, duré trigu i'rãi ré hã, duré isu pese uptabi hã, duré powawẽ hã, duré pone'ẽrebâ hã, duré awaru hã, duré wede na wedewara hã, duré dapawa'âbâ ãna da te dama 're iromhuri za'ra mono hã. Ãne te uburé marĩ hã da te 're uipra za'ra aré, rowede'wa norĩ wi hã.