Zenezi 33:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã te Ezau ãne tãma tinha asa: — Ĩno, mare di. Ĩnhimizama hã ahâ uptabi di. Tahawa tô aima hâimana za'ra, ate bâ.

Zenezi 33:9 ပူးပေါင်းရင်းမြစ်များ

Zenezi 27:39

Tawamhã imama te tãma tinha ãne: “Romhâ na ti'ai wẽ nhiti te za 're aihâimana mo, atébré hâiwa hawi we te te 're irobdi'i mono nhiti.

Zenezi 27:40

Ãhã wa, te za asi'wa i'wa pa ré si 're aihâimana mo. Asisãnawãi ma, te za duré 're iromhuri mo. Tane nherẽ, niha na tãma aihâimanazéb da, sada asiptete õ wapsi hã, te za tiwi asiwaze, asima iwẽ na 're aihâimana mono da oto.”

Zenezi 27:41

Tawamhã Ezau, Zacoho da ma tô ab'rui pese. E marĩ wa. Imama, 'Re ihâimana u'âsi mono ma, iwẽ õhõ ma si te te 're apisutu mono da, ãma mreme wa. Tahawa ma tô ãne sima rosa'rata: “Ĩmama dâ'âzé hã romhuture di oto. Te za tidâ'â su'u. Tawamhã nimahã na apâ wapo're simrami wa, wapẽ'ẽ hâza'õtõ wapsi, wa za ĩno hã tiwĩ za.”

Zenezi 33:10

Tane nherẽ, te Zaco te te tãma i'ruzém na ãma tãma sahu ãne: — Wẽ'õ tõ! Sena ĩwẽsãmrizé aima hâimana wamhã, ma'ãpé tô aima ĩnhoprubzé hã waibui wẽ na. Wa hã we aimorĩ ré, te ai'ubu 'madâ'â wamhã, 'Re ihâimana u'âsi mono ubu te i'madâ'âzém ne ai'ubu hã, a hã ĩ'âri wẽ zarina.

Zenezi 4:9

Tawamhã Uburé Danhib'apito, nimahã na te Caĩ hã sadanha ãne: — E mahãta asisãnawã Abéu. — Me! Wa hã te waihu'u õ di. E wa hã ĩsisãnawã 'madâ'â'wa pâ. — Ãne Caĩ ma te asa ãma sada'â.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 30:15

'Re dawaprui hârâ mono 'wai 'ra, te maparane 're hâimana zahuré. Isisi zahuré hã ãne: We ĩma sõmri! Tô we ĩma sõmri! Tawamhã duré maparane si'uiwa na ihâimana za'ra hã õne u'â marĩ te te sima 're i'ruiwapari za'ra mono hã, ãne:

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:20

Pauluhu mreme te te wapari za'ra wamhã, aihĩni ma tô ãma tiwata za'ra, 'Re ihâimana u'âsi mono ãma. Tahawa, te asa tãma rowasu'u za'ra, Pauluhu ma, ãne: — Wasisãnawã, ãhã na wa za aima wasiwasu'u za'ra ni. Zudeu norĩ, wasiré hã ahâ uptabi na ma tô Zezusi hã te te sina 're umnhasi za'ra, Danho'reptui'wa na. Aihĩni, te simi'ẽ na 're hâimana za'ra, 'Re ihâimana u'âsi mono nhimiroti 'rata na Mozésihi nhimi'ui'éré zarina.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:17

Taha pari, ma tô mo Anania hã, Zudaha nhorõwa u. Tawamhã ma tô 'ri para u ãzé. Sébré wamhã, ma tô tinhib'rada hã tino, i'rã nhisiwi, Saruhu 'rãi ãma. Ãne te tãma tinha: — Ĩsisãnawã Saulu, Wanhib'apito hã ma tô we atẽme ĩzatõ, tô õ hã Zezusi hã, Damascu u we aimorĩ ré, bâdâdi wa, aima isihâi'ré hã. Ta hã ma tô we atẽme ĩzatõ, atõmo wẽ da, apâ rob'madâ'â hâ, duré Ipẽ'ẽzani ré si 're aihâimana mono da, aipẽ'ẽ wẽ na si.

Filemo 1:16

Cristuhu zazei'wa te za oto 're mo, Onezimu hã. Pawa'âbâ ãna aima romhuri'wa si 're morĩ õ di za oto. Cristuhu zazei uptabi 'wa oto 're morĩ wa, wano te za oto 're hâimana, Onezimu hã. Tô sena ĩma sawi di. Tawamhã aima sawi uptabi di za oto, ta hã. Asiré isazei'wai wa, ano te za oto 're mo, asiré.

Filemo 1:7

A hã ĩno. Ĩma asawi di. 'Re asimizawi pese mono wa, ĩto ti. Duré ĩtoi uptabi di, ĩpẽ'ẽ 'remhã. Tahawa, ĩma rowẽ uptabi di. Duré uburé isazei'wa norĩ hã robze na oto 're si'ubumroi mono wa, marĩ na a hã 're apawapto mono wa, ĩtoi uptabi di, aima.