Zenezi 33:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã taha pari te duré Ezau ãne sadanha: — E niha da hã bété, asimizama upsãtã pese na bâdâdi wamhã te isõpẽtẽ za'ra hã. Tawamhã Zaco ma te ãne asa tidub'rada hã ãma sada'â: — Taha u'âbâ ĩwẽsãmri da hã, wa tô we ĩsiwana hã satõrĩ za'ra.

Zenezi 33:8 ပူးပေါင်းရင်းမြစ်များ

Zenezi 32:5

Ĩnhimizama powawẽ hã ahâ di, awaru po're pore hã, pone'ẽrebâ hã, pone'ẽrebâ zéré uzé hã, ĩma romhuri'wa sipi'õ hã, duré ĩma romhuri'wa si'aibâ hã. Ĩnhib'apito, ã hã romreme hã wa ãma aima tisõ, ĩ'âriwẽzéb da hã.”

Zenezi 32:6

Tawamhã romreme 'wapéi'wa norĩ, Ezauhu ma te te sadawa wasu'u za'ra pari, apâ si'aba'réi wamhã, te ãne Zacoho ma rowasu'u za'ra: — Adub'rada Ezauhu u wa tô aihutu ni. Ta hã te we oto mo, te te sina ai'uzusi da, 400 na aibâ norĩ ihâiba za'ra siré.

Zenezi 33:7

Taha pari, ma tô duré Léia ti'ra norĩ ré isãna'remhã itẽme sina rotété. Ta norĩ zama ma tô tãma aiwẽ'ẽ za'ra. Tawamhã da'rãsutu ãma ma tô duré Zuzé norĩ, Raqueu me itẽme sina rotété zahuré, tãma siwẽ'ẽ zahuré da.

Zenezi 39:5

Tawamhã ta hawimhã haré ma tô Zuzéhé hâiba u'âbâ, Uburé Danhib'apito ezipsiu nhorõwa 're, isimarĩ tãma 're hâimana wẽ za'ra mono da hã, duré isimizama zama rom na tãma 're simasa wẽ mono da hã, iwẽ na te te 're pawapto.