Zenezi 33:3 - ꞌRe Ihâimana Uꞌâsi Mono Zadawa Wasuꞌu

³ Taha parimhã Zaco ma tô oto sina sõ're za'ra, isõwab za'ra hâimana da. Tawamhã Ezauhu tẽme te te sina rotété mono sidâpâsi ma tô 7 na ãma isahu na hi'rãtitõ tãma simasisi, ti'ai u ti'ubu na te te tãma ropto mono sina.

Zenezi 33:3 ပူးပေါင်းရင်းမြစ်များ

Zenezi 18:2

'Rãi wahutu wa, te te rob'madâ'â wamhã, ma tô si'ubdatõ aibâ norĩ isõ're isimasa 'madâ'â za'ra. Te te 'madâ'â za'ra wamhã, ma tô si'aba'ré na itẽme tiwara za'ra, te te sina uzusi za'ra da. Tawamhã hi'rãtitõ, ma tô isõ'reb za'ra nhamra. Ti'ubu na ti'ai u ma tô ropto.

Zenezi 33:2

Tawamhã imro prã norĩ, ti'ra norĩ ré danhowamhã ma tô iré za'ra tihâimana zahuré. Taha parimhã isãna'reb zahuré hã Léia ma tô duré ti'ra norĩ ré hã tihâiba. Tawamhã da'rãsutu'wai ãma ma tô duré Raqueu ti'ra Zuzéhé ré hã te te da'ubumro.

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 43:26

Tawamhã Zuzé ma tô wi, tinhorõwa u. Wisi wi, ma tô tinhibzari hã tãma sõmri za'ra, tiza'rui hawi te te siré tãma i'wasari hã. Te te tãma sõmri za'ra wamhã, ma tô hi'rãtitõ isõ'remhã tãma asimro, ti'ubu na te te tãma roptob za'ra sina, ti'ai u.

Zenezi 48:12

Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Provébiu 6:3

Tahawa, ĩ'ra, danhib'ratamhã te oto aihâiba. Tahawa, ãne wi aiwatobro da wamhã, ma'ãpé te te aima rowairébé da, aimreme tete na tiwi waptẽrẽ da itẽme aimorĩ su'u.

Luca 14:11

Tane, ni'wa hã pire wẽ te, 'râwi sina 're wata mono wamhã, 'Re ihâimana u'âsi mono, te za tãma pisutu, wapu na 're hâimana mono da oto. Duré ni'wa hã, tipire na 'râwi 're si'madâ'â mono õ wamhã, te za tãma pisutu, dama pire na 're hâimana mono da oto.

Zuwã 10:4

Tinhimizama hã rob u te te 're simroi mono wamhã, isõwa te za 're ne. Titede'wai mreme te te waihu'u pese za'ra wa, te za isarina 're nomro, isimizama hã.

1 Samuéu 2:5

Aré isai ahâ norĩ hã te oto te te 're romhuri za'ra, tisazéb da hã. Tane nherẽ, mram na te te 're irobzépata za'ra mono norĩ hã ãhã na hã tãma za'ra hã mrab õ di oto, iwa'rãmib za'ra. Pi'õ i'ra waihu'u'õ norĩ ma hã ma tô 7 na i'ra hã tãma tipoto za'ra. Tane nherẽ, i'ra ahâ norĩ ma hã, i'ra hã tãma 're hâimana za'ra mono õ di oto, iwa'rãmib za'ra.