Zenezi 32:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã ãne hã Zaco te te wapari wamhã, ma tô tãma tipahi pese. Hâtâ'â uptabi di. Tahawa tinhib'a'uwẽ norĩ ãma ma tô maparane iwa'õtõ na ãma aipo'o. Duré tinhimizama pone'ẽrebâ norĩ na zama, pone'ẽrebâ zéré uzé norĩ na hã, powawẽ norĩ na hã, duré awaru po're pore norĩ na hã ma tô duré aiwa ãma sipo'o za'ra.

Zenezi 32:7 ပူးပေါင်းရင်းမြစ်များ

Zenezi 32:11

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 32:3

Tawamhã Zaco, tite romreme 'wapéi'wa norĩ, ma tô satõrĩ za'ra Se'i na rowamri u, Edõ na rowamri amo hã Ezau te te siwi sõpẽtẽ da, iwana.

Zenezi 32:8

Tawamhã te ãne tipẽ'ẽ na sima rosa'rata: “Ezau, sena tô we watẽme morĩ za'ra wamhã, ãté te za ĩnhib'a'uwẽ wa'õtõ hâiba amo hã a'wapé. Tawamhã ta norĩ na 'rãza'õtõ ré, ãté te za duré ĩnhib'a'uwẽ wa'õtõ hâiba amo hã tiwi aimani za'ra, wanhimizama ré.”

Zenezi 33:1

Tawamhã Zaco, tidub'rada Ezau, 400 na aibâ norĩ ré we imorĩ hã te te 'madâ'â wamhã, ma tô ti'ra norĩ hã ina mono bâ tina siré hâimana za'ra da hã ãma sipo'o, Léiaha siré, Raqueu siré, duré maparane imro prã norĩ siré.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Salmu 112:5

Ni'wa hã, marĩ da te tiwi waptẽrẽ wa, sõprum na a'â iwa'rãmib zô te te dama isõmri hã te za toi u'âsi 're sãmra. Sena na tinhimarĩ na te te ãma 're iromhuri mono hã te za duré toi u'âsi 're sãmra.

Ezodu 14:10

Tawamhã Izaraéu nhihudu norĩ, apito Fara'o tite dasi'wapéi 'manharĩ'wa norĩ me te te 'wapé za'ra da, sisõré pese na te te iropãrĩ za'ra mono na te te 'madâ'â za'ra wamhã, ma tô tãma tipẽ'ẽwara pese za'ra. Tahawa, ma tô Uburé Danhib'apito te te pawaptob za'ra da hã mreme 'rãihâ na tiwi rowaptẽrẽ za'ra.

Provébiu 2:11

Asimirowaihu iwẽ hã te za ai'wawimhã 're simapa.

Mateu 10:16

— Ma'ãpé ĩwapari pese za'ra wa'aba. Pone'ẽrebâire, robzahi wa'wa u 're isisisi mono ne, wa za datẽme asatõrĩ za'ra wa'wa. Tahawa, te za asimiza'rese 're anomro aba mo, wahi ne. Duré utu'u, marĩ iwasédé hã te te 're i'manharĩ za'ra mono õ ne, te za 're anomro wẽ wa'aba mo.

Mateu 8:26

Tawamhã Zezusi te tãma nharĩ za'ra ãne: — E marĩ da, ma aipahi za'ra wa'wa. E ĩ'umnhasi za'ra wa'aba ãna. Tawamhã ma tô wahudu, Zezusi hã. Wahutu wamhã, ma tô rowa'u'u ma, duré â sisasisi ma zama hã tinha, te te sazâri da hã. Taha wamhã, ma tô sazâ, rowa'u hã. Ma tô duré oto ti'âtu.

Zuwã 16:33

Ãne na wa tô aima rowasu'u za'ra wa'wa, ĩ'ãma 're aihâimana za'ra wa'aba mono wa, rowẽ na 're aihâimana za'ra wa'aba mono da. Tane nherẽ, ĩzazei'õ'wa norĩ hã te za tô te te 're ai'ruiwapari u'âsi za'ra wa'wa. Tahawa, te za 're irobzépata za'ra wa'aba mo. Tane nherẽ, te za asiptete sina ĩ'ãma 're anomro aba mo. Wa hã ĩzazei'õ'wa norĩ ma, ĩnhiptete uptabi wa, wa tô ãma ai'uté za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:22

'Ri nho'õmo wa'wai baba neb zahuré wamhã, ma tô isazei'wa norĩ hã pawaptob za'ra, hâimana nhiptete na 're nomro mono da, 'Re ihâimana u'âsi mono ãma te te 're sasõmri u'âsi za'ra mono da. Ãne te duré tãma nharĩ za'ra: — A norĩ wa'wa hã Zezusihi zazei'wai wa, marĩ iwasédé hã da te aima 're 'manharĩ za'ra wa'aba mono wamhã, tãma 're aipahi za'ra wa'aba mono õ di za. Ãne na hã te za tô 're irobzépata za'ra wa'aba mo. Tane nherẽ, 'Re ihâimana u'âsi mono nhib'a'uwẽ oto 're anomro aba mono wa, te za niwapsi hâiwa ãma i'rata 're aihâimana u'âsi za'ra wa'aba mo, rowẽ na. — Ãne te tãma nharĩ za'ra.

2 Corĩtu 1:4

Wa norĩ hã, Timotiuhu me, uburé marĩ ipire wa te 're sépata mono wamhã, te za tô te te 're wapawapto, wapẽ i're wama 're sa'wari mono da hã. Tahawa, wama waihu'u pese di oto duré, isarina, wa te 're idapawapto mono zéb da hã, wasine 're dapẽ'ẽ nhimi'wara mono da, marĩ ipire hã da te 're sépata za'ra mono wamhã. 'Re ihâimana u'âsi mono te te 're iwapawapto mono ne, wa za tô wa norĩ zama wa te 're dapawaptob za'ra, dapẽ hã i're dama 're simi'wara mono da apâ.

2 Timotiu 3:12

Cristu Zezusihi ãma 're dahâimana wẽ za'ra mono da, da te dasima 're wẽ za'ra mono 'ru te, dasi'uihâ na te za tô isazei'wa norĩ ma, da te 're rob'manharĩ wasété za'ra.